11-§. Uslubchi

15-§.Elektron kutubxonalar kutubxonachisi

t/r	Lavozim nomi	MMSK bo‘yicha kodi	Xodimlar toifasi	Ta’limning eng past darajasi
109	Elektron kutubxonalar kutubxonachisi	2432	boshqaruv	O/M

Lavozim vazifalari:

AKTning rivojlanishi va zamonaviy umumjahon tendensiyalarini hisobga olgan holda elektron-kutubxona faoliyatini isloh qilish;

o‘quvchilarga aholiga axborot-kutubxona xizmatlari ko‘rsatish bo‘yicha ijtimoiy kafolatlarni sifatli ta’minlash hamda zamonaviy talablarni hisobga olgan holda axborot-kutubxonani rivojlantirish maqsadida normativ-huquqiy bazani takomillashtirish;

o‘quvchilarga axborot-kutubxona xizmatlari ko‘rsatishni barqaror rivojlantirishga ko‘maklashish;

kutubxona faoliyatining samaradorligini va o‘quvchilarga xizmat ko‘rsatish tezkorligini oshirish uchun elektron kitoblar tarqatish internet-resurslarni kengaytirish;

kutubxona xizmatlari ko‘rsatish uchun sifat jihatidan yangi va qulay shart-sharoitlar yaratish, zamonaviy axborot texnologiyalari asosida ularning ilmiy, ta’lim, axborot va madaniy ehtiyojlarini qondirish;

o‘quvchilarga har qanday (bosma, multimedia va raqamli) tashuvchilarda, shu jumladan, Internet tarmog‘ida sifatli axborot manbalaridan foydalanish imkoniyatini yaratish;

 Bilishi kerak:

davlatimizning ta’lim tizimiga oid, axborot-kutubxona faoliyatini takomillashtirishga tegishli normativ-huquqiy hujjatlarini;

axborot-kutubxona nazariyasi va amaliyotini, metodik ishlarni tashkil etish va samaradorligini oshirish usullarini;

davlatimiz va xorij davlatlar ilm-fanining bibliografiya va axborot sohasidagi yutuqlari hamda axborot-kutubxona jarayonlari texnologiyasini;

bibliografiya va informatika sohasidagi metodik materiallarni;

muassasa faoliyatiga qo‘yilgan sanitariya-gigiena talablariga, mehnatni muhofaza qilish, texnika va yong‘in xavfsizligi qoidalariga rioya qilishni.

Malaka talablari:

oliy ma’lumot, amaliy ish staji talab etilmaydi.

xorijiy tillardan birining boshlang‘ich bosqichini va axborot-kommunikatsiya texnologiyalaridan foydalanishni bilishi.