11-§. Uslubchi

13-§. Tarmoq administratori

t/r	Lavozim nomi	MMSK bo‘yicha kodi	Xodimlar toifasi	Ta’limning eng past darajasi
27	Tarmoq administratori	2132	Mutaxassis	O/M

Lavozim vazifalari:

kompyuter texnikalari, zamonaviy dasturiy ta’minotlar, axborot-kommunikatsiya texnologiyalari resurslardan foydalanishda pedagog xodimlarga va o‘quvchilarga amaliy yordam berish;

kasb-hunar maktabiga etkazib berilayotgan elektron resurslarni, elektron dasturiy tizimlarni o‘rnatish va ulardan foydalanishni tashkil etish;

professional ta’lim tizimi uchun yaratilgan dasturiy ta’minot va elektron axborot ta’lim resurslarining ma’lumotlar bazasini yaratish, ularni tahlil qilish hamda istiqbol rejalarini belgilash;

kasb-hunar maktabining rasmiy Veb-saytini yaratish, yangiliklar, e’lonlar, muassasa faoliyati haqidagi ma’lumotlar bilan rahbariyat va pedagog xodimlar bilan hamkorlikda doimiy ravishda joylashtirib borish;

Internet tarmoqlari, (E-mail) elektron pochta xizmatlarinitalab darajasida ishlashini nazorat qilib borish, xabar va yangiliklarni o‘zvaqtida qabul qilinishi va tarqatilishini nazorat qilish;

muassasaning barcha axborot kommunikatsion texnologiyalariningishlashi va texnik xizmat ko‘rsatish ishlarini amalga oshirish;

pedagog xodimlar va o‘quvchilarga internet tarmog‘idan zarur materiallarni olishda ko‘maklashish;

ta’mirlash va profilaktika qilishga sarflangan materiallar va ehtiyotqismlarning hisobini olib borish;

kompyuter o‘quv sinflarida reja asosida darslar jadvali bo‘yichaInternet tarmog‘iga ulanishini ta’minlash.

Bilishi kerak:

professional ta’lim tizimiga, axborot-kommunikatsiya texnologiyalari yo‘nalishiga oid amaldagi normativ-huquqiy hujjatlarni;

kompyuter va texnika vositalarining xususiyatlarini, belgilangan ish maqsadi va texnik ekspluatatsiya qoidalarini;

ichki mehnat tartibi qoidalarini;

sanitariya-gigiena talablari, mehnatni muhofaza qilish, texnika va yong‘in xavfsizligi qoidalarini.

Malaka talablari:

kamida bakalavr darajasidagi axborot-kommunikatsiya texnologiyalari yo‘nalishdagi oliy ma’lumot, ish staji talab etilmaydi;

xorijiy tillardan birining boshlang‘ich bosqichini.