11 – Mavzu: Kommunikatsiya siyosati Reja

Ko’rgazmalar va yarmarkalar reklama qilinadigan tovarlarni namoyish etish uchun qulay sharoitlarni namoyon etadi va shu bilan bir vaqtda bevosita iste’molchilar bilan to’g’ridan-to’g’ri aloqalarni bog’lash uchun yordam beradi. Ko’rgazma tadbirlarini taqdimotlar (prezentatsiya), «doira stollari», matbuotdagi reklama kampaniyasi bilan birgalikda o’tkazish reklama maqsadlariga erishishda katta samara beradi. Ko’rgazma o’zining mohiyatiga ko’ra jamiyat hayotining ma’naviy va moddiy sohasining yutuqlarini ommaviy namoyish etish va bir vaqtning o’zida tijorat ishlarini olib borishdan iborat. YArmarka esa — bu dastavval tijorat tadbiri bo’lib, uning asosiy vazifasi namoyish etilgan tovar namunalari bo’yicha savdo bitimlarini tuzishdan iborat.
Doimo faoliyat yurituvchi ekspozitsiyalar (namunalar kabinetlari, namoyish zallari va x..k.) asosan korxonalar, birlashmalar, xalq xo’jaligi tarmoqlarining ma’muriy binolarida tashkil etiladi. Ko’pchilik yirik korxonalar, kontsernlar va assotsiatsiyalar chiqarilayotgan mahsulot turlarini namoyish qilish uchun doimo ishlab turuvchi ekspozitsiyalarga ega.
Bevosita pochta reklamasi (direkt meyl) maxsus tayyorlangan reklama-axborot xatlari yoki bosma reklama materiallarini pochta orqali yuborishdan iborat. Bevosita reklamaning asosiy xususiyati — bu audito­riya, ya’ni potentsial xaridorlarga nisbatan tanlanuvchanlik va tovar uchun muayyan hududni tanlash imkoniyati.
Tashqi reklama dastavval aholining keng qatlamlari tomonidan afishalar, shchitlar, transparantlar, elektron tablolar, xizmat ko’rsatuvchi xodimlarning maxsus kiyimi ko’rinishidagi reklama murojaatlarining qabul qilinishiga muljallangan. Mazkur rekla­ma materiallarining badiiy jihozlanishida firma belgilarining asosiy elementlari yiriklashtirilib ajratib ko’rsatiladi (tovar belgisi, firma blanki, firma ranglari). Tashki reklama kuyidagi beshta tamoyil asosida tashkil etiladi:
1) o’ziga e’tiborni jalb qilish;
2) qisqa bo’lish; 3) ko’zga tez-tez tushish;
4) tushunarli bo’lish;
5) yul-yulakay oson o’qilishi kerak.