11 – Mavzu: Kommunikatsiya siyosati Reja

11 – Mavzu: Kommunikatsiya siyosati


Reja:

1. 
   Talabni shakllantirish va sotuvni rag‘batlantirishninng mohiyati hamda maqsadlari .
   
2. 
   Servis xizmatini tashkil etish
   
3. 
   Xaridorlarga ta’sir etish uslublari
   
4. 
   Komunikatsiya siyosatining mohiyati , mazmuni va maqsadi
   
5. 
   Marketing kommunikatsiyasi kompleksi (reklama, sotishni rag‘batlantirish ,tashviqot,jamoa bilah ishlash, shaxsiy sotuv, bevosita sotuv )
   

1. 
   Talabni shakllantirish va sotuvni rag‘batlantirishninng mohiyati hamda maqsadlari .
   

Soddalashtirilgan tushunchada siljitishning marketing ma’nosi shundan iboratki, bu axborotni iste’molchiga faol uzatishdan boshqa narsa emas. Biroz kengaytirilgan talqinda siljitish — bu tovarlar sotilishini faollashtirish va bozorda ijobiy tasavvur shakllantirish maqsadida axborot olish, ishontirish va o’z faoliyati haqida eslatish uchun korxonaning bozor bilan doimiy aloqalarini yaratish va saqlab turishdir.

Shu bilan birga siljitish korxona tomonidan taqdim etilayotgan tovarlar, narxlar, sotish shartlari, ya’ni marketing elementlari orqali potentsial iste’molchilarning olishi mumkin bo’lgan manfaatlari va afzalliklari to’g’risida zaruriy xabardorlik darajasini ta’minlaydi.
Siljitishning asosini esa korxonaning bozor sub’ektlari bilan kommunikativ aloqalari tashkil etadi. Siljitishning asosiy vositalari sifatida reklama, shaxsiy sotishlar, sotishni rag’batlantirish va jamoatchilik bilan aloqalar namoyon bo’ladi. Bu vositalarning hammasidan korxona reklama va marketing maqsadlariga erishish uchun foydalanadi.
Buning uchun tashviqot, matbuot, ko’rgazmalar va yarmarkalarda ishtirok etish, firma uslubini saqlab turish qo’llaniladi.
Keyingi -yillarda pablik rileyshnz keskin rivojlanmoqda va marketing tizimida yirik va salobatli firmalarning murakkab, mustaqil, samarali quroli sifatida baholanmoqda. U iste’mol tovarlarini ishlab chiqaradigan sanoat firmalari va kompaniyalari tomonidan potentsial xaridorlar doirasini kengaytirish, tovar haqida keng axborotga ega bo’lish maqsadida ishlatiladi.
Korxonaning bozor bilan kommunikativ aloqalari korxona bozorga o’zining tovarlari, xizmatlari va ular haqidagi xabarlarni yo’naltirishda namoyon bo’ladi. Bozor esa korxonaga sotilgan mahsulot uchun pul mablag’larini va mazkur tovarga bozorning munosabati qandayligi haqidagi axborotni qaytaradi.
Marketing kommunikatsiyalari sanab o’tilgan turlarining asosiy farqli tomonlari 10.1-jadvalda keltirilgan.
Kommunikatsiyalar jarayoni kommunikativ modelni tuzish yordamida tasvirlanishi mumkin. U quyidagi tadbirlarni amalga oshirishni ko’zda tutadi:
Sh maqsadli auditoriyani topish va uning tavsiflarini aniqlash;
Sh firma va tovar haqida potentsial mijozlarning xabardorligini ta’minlash;
Sh kutiladigan javob reaktsiyasini aniqlash;
Sh auditoriyaning xayrixoxligini qozonish;
Sh mijozni xarid qilishga undash.