"10 ta farqni top"

Jismoniy faollik

Miyaning ishlash qobiliyatini yanada kuchaytirish uchun jismoniy faollikni yodda tutish kerak. Shifokorlarning aytishicha, mashqlar miyaning kislorod bilan ta’minlanishini yaxshilaydi, hujayralarni yanada samaraliroq ishlashiga imkoniyat yaratadi. Buning natijasida miya ko’rgan va eshitgan axborotini tezroq qayta ishlaydi hamad xotirada uzoq vaqt saqlanib qoladi.

Uyqu

Bolaning sog’lom va miriqib uxlashi uchun sharoit yaratish kerak. Uyqu aqliy va jismoniy mashg’ulotdan so’ng kuchni tiklashga yordam beradi. Agar bola yaxshi dam olmasa yoki o’zini toliqqan sezsa, xotirasi singari diqqati ham o’tmaslashadi.

Taom

Bu borada taomning ham muhim o’rin bor. Farzandingiz kundalik taomnomasida uning xotirasini mustahkamlash va rivojlantirishga yordam beradigan mahsulotlar: mevalar, yong’oqlar, baliq, boshoqli don mahsulotlari, pomidor, lavlagi, ismaloq, tovuq va ko’katlar bo’lishi lozim. Bolaning kunlik tartibida o’yinlar, jismoniy mashqlar va kitob o’qish kabi mashg’ulotlar joy egallashi lozim. Bularning barchasi xotiraning turli ko’rinishlari – harakat, so’z, shakl-shamoil va hissiyotlarga bog’liq qismlarini rivojlantirishga yordam beradi.

1-3 YOSHGACHA BO’LGAN BOLALAR UCHUN MASHQLAR

Bolakayning ovqatlanishini va kun tartibini to’g’ri tashkil etar ekansiz, xotira va diqqatni charxlaydigan mashqlarni yoddan chiqarmang. Chunki, xotira va diqqatni jamlash turli yoshlarda turlicha ishlaydi. Biz quyida aynan har xil yoshdagi bolalar uchun mo’ljallangan bir nechta namunalarni keltirib o‘tamiz. Farzandingiz bir yoshga kirganidan uning miya tizimi rivojlana boshlaydi. Buning natijasida xotira hajmi kengayib, eslab qolish sifati oshadi. Jajjingiz bir yoshga to’lgach, she’rlar va qo’shiqlarni yodlab qolishi uchun gimnastik mashqlardan foydalansa bo’ladi.

Inson miyasida atrof-muhitga moslashuvchanlik qobiliyati mavjud. Bu neyromoslashuvchanlik deyiladi.  U bolalarda ancha yaxshi rivojlangan bo‘ladi. Shu boisdan ota-onalar bu qobiliyatni faol qo‘llabquvvatlashi va yanada rivojlantirishlari zarur.

 

2 yoshdan keyin bolada mexanik yodlab qolish davri boshlanadi. U endi birmuncha qiyin va murakkab so’zlarni eslab qola oladi. U barchasini gubkadek o’ziga singdiradi.