10-sinf O’zbekiston tarixidan

1936
Toshkentda davlat konservatoriyasi ochilgan
1937	savodsizlikni tugatish maktablarining soni 413 taga yetdi. Bu maktablarda 28 700 kishi ishlab chiqarishdan ajralmagan holda o‘qib o‘z savodini chiqardi.
1937	139 000 nafar xotin-qizlar o‘qish va yozishni o‘rganib oldilar.
1937	O‘zbekistonda siyosiy qatag‘onlik 1937-yilning yozida, ayniqsa avjiga chiqdi.
1937	28-oktyabrda XXSR harbiy ishlar noziri, alohida O‘zbek otliq askarlar polkining komandiri va komissari, 19-tog‘li otliq O‘zbek diviziyasi komandiri lavozimlarida ishlagan Mirkomil Mirsharopov sovet rejimi tomonidan Maykopda qamoqqa olindi.
1938	4-oktyabrda Fitrat, Cho‘lpon va Abdulla Qodiriy bir kunda Toshkent shahri atrofida otib tashlandi.
1938	4-oktyabrda Qamoqqa olingan ko‘plab yurtdoshlarimiz ommaviy ravishda qatl qilingan.
1938	10-oktabrda M. Mirsharopov boshchiligida 18 nafar o‘zbek harbiy komandirlari va askarlari Toshkent atrofida otib tashlangan.
1939	O‘zbekistonda yakka dehqon xo‘jaliklariga butkul barham berildi.
1939	2500 nafar xotin-qizlar traktorchilar kursida o‘qishga majburan jalb qilindi.
1939	23-avgustda I.V.Stalinning takliœ bilan Moskvada SSSR va Germaniya o‘rtasida 10 yil muddatga hujum qilmaslik to‘g‘risida bitim imzolandi. Bu bitim tarixda Molotov-Ribbentrop pakti nomi bilan mashhur.
1939	1-sentyabrda Adolf Gitler boshchiligidagi Germaniya davlati Polshaga hujum qildi. Bu hujum bilan Ikkinchi jahon urushi boshlandi.
1939	3-sentyabr kuni Fransiya va Angliya davlatlari Germaniyaga qarshi urush e’lon qildi.
1939	17-sentyabrda SSSR va Germaniya o‘rtasidagi hujum qilmaslik to‘g‘risidagi bitimning maxfiy moddalariga muvofiq SSSR qo‘shinlari Polsha hududiga bostirib kirdi. Polshani bo‘lib olish jarayoni boshlandi.
1939	19-sentyabr kuni qizil armiya qo‘shinlari Vilnyusni bosib oldi.
1939	22-sentyabrda Brest-Litovskda Polshani tor-mor keltirish operatsiyasining tugatilishi sharafiga sovet va nemis qo‘shinlarining qo‘shma paradi o‘tkazildi. 28-sentyabrda SSSR va Germaniya o‘rtasida do‘stlik va chegaralar to‘g‘risida shartnoma imzolandi.
1939	30-noyabr – 1940-il 12-martda sovet-fin urushi bo‘lib o‘tdi.
1939	14-dekabrda Millatlar Ligasi SSSRni agressiyachi mamlakat deb e’lon qilib, uni Liga a’zoligidan chiqardi.