10-мавзу. Менежментда мотивлаштириш

17-жадвал. Ишдан қониқиш омиллари

Т/р	Боисий омиллар (қониқмаслик манбаалари)	Т/р	Мотивация (юқори қониқтириш манбаалари)
1	Корхона ва маъмурият сиёсати	1	Ютуқларга эришиш
2	Меҳнат шароити	2	Хизмат пиллапоялари бўйича кўтарилиш
3	Иш ҳақи	3	Юқори масъулият
4	Ишчилар билан ўзаро муносабат	4	Натижани тан олиш ва қўллаб-қувватлаш
5	Меҳнат хавфсизлиги	5	Ижодий ва хизмат доирасида ўсиш имконияти
6	Меҳнат интизомини назорат қилиш даражаси

Биринчи гуруҳ омиллар "гигиеник омиллар" деб аталади. Агар иш жойи ифлос, қоронғи, кўримсиз бўлса, бу меҳнатга интилишни сусайтиради. Аксинча, иш жойи тоза, ергонометрик нуқтаи назардан бенуқсон бўлса, меҳнатга аниқ йўналтирилган мотивлари пайдо бўлади. Бу ерда пул масаласи ҳам муҳимдир. Аммо пулга инсон қадр-қимматининг ўлчови сифатида қараш ҳам хавфлидир. Агар пулга интилиш инсонни бутунлай эгаллаб олса, у кўпайишга мойиллик туғдириб, уни бошқаларга нисбатан буюклигини исботлашга олиб келади. Натижада кишилардан ва жамоадан ажраб қолади.