10-мавзу: ИҚтисодий индекслар

10.7. Базис вазнли агрегат индекслар. Ласпейрес индекслари
Агрегат сўзи лотинча “aggregatus” сўзидан олинган бўлиб, ўзаро бириктириш, бирга қўшиш, узвий бирлаштириш деган луғавий мазмунга эга. Демак, агрегат кўрсаткичлар турли хил иқтисодий кўрсаткичларни ўзаро бириктиришдан, узвий бирлаштиришдан тузилган умумий , йиғма, тўплама кўрсаткичлардир ва улар мураккаб ҳодисаларни миқдор сифат аниқлигини ўлчайди.

Агрегат индекслар – бу турли хил кўрсаткич-ларни умумий ўлчовга келтириб, олинган йиғ-ма натижаларни тақ-қослаш ҳосиласидир.
Ана шундай кўрсаткичларни турли даврлар учун тузиб, уларни ўзаро таққослашга асосланган индекслар агрегат индекслар деб аталади. Улар мураккаб иқтисодий ҳодисалар ўзгаришини таърифлайди.
Агрегат индекслар тузишдаги асоси муаммо моҳиятан турли хилдаги кўрсаткичлардан умумий агрегат барпо этиш учун уларни вазминлаштиришдан иборат.
Ўз-ўзидан равшанки, индекслаштирилаётган ҳодисалар мазмунан турли хилда бўлганлиги учун уларнинг кўрсаткичларини бевосита қўшиб бўлмайди. Демак, дастлаб уларни бир ўлчовли кўринишга келтириш лозим, сўнгра агрегат кўрсаткич ҳосил қилиш мумкин. Бунинг учун индексни ҳисоблаш жараёнига қўшимча кўрсаткич киритишимиз керак, аммо у ўзгармас миқдор бўлиши шарт. Шу билан бирга у айрим индекслаштирилаётган кўрсаткичлар умумий агрегатда қандай вазнда бўлишини ҳам аниқлайди.
Шундай қилиб, агрегат индексни умумий кўринишда қуйидагича ёзиш мумкин:
сифат кўрсаткичлари учун (10.24)
миқдорий кўрсаткичлар учун (10.25)
Вазн вазифасини ҳар доим индекслаштирилаётган ҳодиса билан узвий боғланган бир иқтисодий шароитда шаклланадиган кўрсаткич бажаради. У ўзгармас миқдор мақомида бўлиши учун базис вазнли агрегат индексларни тузаётганда базис давр ҳолатида бириктирилади:
миқдорий кўрсаткичлари учун (10.26)
сифат кўрсаткичлари учун (10.27)
Агрегат индексларда вазнларни базис давр ҳолатида олиш зарурлигини 1871 йилда немис олими Э. Ласпейрес асослаган. Индекслар назариясида улар Ласпейрес индекслари деб þритилади.