1-Tema. Kirisiw Qaraqalpaq tili mámleketlik til. Qaraqalpaq jazıwı hám onıń tariyxı Tayanısh sózler

Kún tártibi

1. “Qaraqalpaq tiliniń túsindirme sózligi” kitabın baspaǵa usınıw boyınsha M.Qalenderovtıń maǵlıwmatı.

2. Tıńlandı

M.Qalenderov - İlimiy keńestiń aǵzaların “Qaraqalpaq tiliniń túsindirme sózligi” menen tolıq tanıstırdı.

3. Qarar qılındı

1. {Qaraqalpaq tiliniń túsindirme sózligi} baspaǵa usınılsın.

2. Juwaplı redaktor etip filologiya ilimleriniń doktorı O.Dospanov tastıyıqlansın.

Baslıq (qolı) S.Bazarov

Xatker (qolı) Q.Ayımbetova
Akt mekeme, kárxana yamasa ayırım adamlardıń xızmetleri menen baylanıslı bolǵan ayırım waqıya, hádiyseni tastıyıqlaw, oǵan gúwalıq beriw maqsetinde bir neshe adam tárepinen dúzilgen hújjet. Akt dúziwde hár qıylı maqsetler kózde tutıladı, biraq onı dúziwdegi tiykarǵı maqset - júz bergen waqıya hádiyselerdi yaǵnıy jaǵdaydı nızamlı - huqıqıy jaqtan dálillep yamasa tastıyıqlap beriw.

Akt kópshilik jaǵdaylarda aqsha yamasa materiallıq baylıqlarǵa baylanıslı dúziledi. Sonlıqtan da ol finans jumıslarında, esap-sanaq islerinde, sawda tarawlarında keń qollanıladı.

Aktler tiyisli tekseriw isleri (reviziya) júrgizilgennen keyin, basshılar almasıp atırǵanda materiallıq baylıqlardı birinen ekinshisine ótkeriwde, salınıp pitken qurılıs obektlerin qabıllaw, tekseriw waqtında qımbat bahalı zatlardı esaptan ótkeriwde yamasa esaptan shıǵarıwda, sawda mekemelerinde tovarlardı muǵdarı hám sapası boyınsha qabıl etip alıwda, baxıtsız hádiyseler bolǵan jaǵdayda yamasa tábiyiy apatlar aqıbetin tekseriwde, sud, tergew isleri hám meditsina, xızmetkerlerdiń turmıs shárayatların úyreniwde hám basqa da jaǵdaylarda dúziledi.

Aktler waqıya hám hádiyselerdi durıs sáwlelendiriw maqsetinde bir neshe adamlar (kárxana baslıǵınıń buyrıǵı menen komissiyalar, turaqlı komissiyalar) yaki arnawlı wákillikke iye jeke adam tárepinen dúzilgende, gúwalardıń qatnasıwı hám qol qoyılǵan bolıwı shárt. Ayırım jaǵdaylarda aktler waqıya qatnasıwshıları yamasa oǵan gúwa bolǵan adamlardıń baslaması menen de dúziledi.

Aktlerdiń zárúrli bólimleri

1. Basqarma, mekeme hám taraw bóliminiń atı.

2. Dúzilgen sánesi hám ornı.

3. Qatar sanı hám tastıyıqlaw belgisi (eger zárúrli bolsa).

4. Teksttiń teması.

5. Hújjet túriniń atı (Akt).

6. Hújjet dúziw ushın tiykar (mekeme baslıǵınıń buyrıǵı, basqarmanıń qararı yaki kórsetpesi).

7. Komissiya quramı (baslıǵı hám aǵzaları).

8. Qatnasıwshılar (Gúwalar).

9. Akt teksti.

10. Qosımshalar (hár bir qosımsha hújjettiń neshe bet ekenligi kórsetiledi).

11. Dúzilgen hám qatnasqan adamlardıń qolı.

12. Orınlanǵanı haqqında belgi.

Úlgi:

Qaraqalpaqstan Respublikası den-sawlıqtı saqlaw ministri Nókis qalalıq den-sawlıqtı saqlaw bólimi

«Tastıyıqlayman» Nókis qalalıq O.Xalmuratov atındaǵı 1-emlewxananıń bas shıpakeri _______ (qolı) A.Pirniyazov 1992-jıl 25-mart

Nókis qalalıq O.Xalmuratov atındaǵı q-emlewxanadaǵı jumsaq mebel, kórpe-tóseklerdi tekseriw haqqında

akt

1992-jıl 22-mart Nókis qalası

Men, Qaraqalpaqstan Respublikası den-sawlıqtı saqlaw ministrliginiń qadaǵalawshı revizorı Baltabay Qálimbetovich Nazarov, ministrliktiń qooq-jıl qt-sentyabrdegi qee-sanlı buyrıǵı tiykarında is júrgizip, emlewxananıń bas esapshısı Sofiya İvanovanıń qatnasıwında akt alınǵan emlewxanaǵa qaraslı hám Naǵıyma turǵanbaevanıń juwapkershiligindegi bolǵan jumsaq mebel hám kórpe-tóseklerdi tekserdim.

Tekseriw barısında tómendegiler anıqlandı

1. Barlıq jumsaq mebel, jamılǵıshlar, kórpe-tósekler muǵdarı sáykes keledi.

2. Hár biri r0 sum t0 tiyinlik e0 dana tósek, hár biri q0 sum t0 tiyinlik y0 dana kópshik tıs hámmesi qirt sumlıq zatlardıń jetispeytuǵınlıǵı anıqlandı.

Ótkerilgen tekseriw tiykarında tómendegiler usınıs etiledi

1. Materiallıq baylıqlardı saqlaw hám esapqa alıw isine nemquraylı qatnasta bolǵanlıǵı kórsetip ótilsin.

2. Jetispegen materiallıq zatlardıń bahası N.A.Turǵanbaevanıń miynet haqısınan uslap qalınsın.

Ministrliktiń qadaǵalawshı revizorı (qolı) B.Q.Nazarov

Emlewxananıń bas esapshısı (qolı) S.İ.Tepenina

Materiallıq jaqtan juwapker (qolı) N.A.Turǵanbaeva