1. Reproduktiv salomatlik haqida tushuncha bering. Reproduktiv salomatlik

65.  Hujayralar  qanday  yo’llar  bilan  ko’payadi? 

Hujayraning ko`payishi. Hujayraning ko`payishi odam organizmining eng muhim hayotiy jarayoni bo`lib, buning natijasida yosh 

organizmning o`sishi va rivojlanishi hamda eskirgan hujayralarning yangilanib turishi ta`minlanadi. 

Hujayra ikki xil usulda: amitoz va mitoz (oddiy va murakkab) yo`l bilan ko`payadi. 

Amitoz oddiy bo`linish usuli bo`lib, bunda odam tanasidagi ayrim hujayralar, masalan, vegetativ nerv tugunlarining hujayralari ko`payadi. 

Bu usul bilan ko`payishda hujayra membranaei, tsitoplazmasi va yadrosi uzunlashadi va ikkiga bo`linadi, ba`zida esa membrana va 

tsitoplazma bo`linmaydi, faqat yadroning o`zi ikkiga bo`linishi natijasida bitta membrana va tsitoplazma ichida ikkita yadro hosil bo`ladi. 

Bolalar va o`smirlar organizmining o`sishi va rivojlanishi hujayralarning mitoz, ya`ni murakkab usulda ko`payishi orqali ta`minlanadi. Bu 

usulda ko`payish to`rt fazada davom etadi: profaza, metafaza, anofaza, telofaza (3-rasm). 

Profazada yadro ichidagi xromosomalar ipsimon shaklga aylanadi va uzunlashadi. Yadroni o`rab turgan rearda eriydi va uning ichidagi 

suyuqlik tsitoplazma bilan aralashadi. Tsentrosomalar hujayraning ikki qutbiga tortilib joylashadi, profaza oxirida yadro ichidagi 

yadrochalar eriydi. Metafazada oldin tartibsiz holda bo`lgan xromosomalar hujayraning o`rta qismiga joylashib, kaltalashadi va 

yo`g`onlashadi. Tsentrosomaning axromatin ipchalari ular orqali o`tib, xromosomalarni hujayra qutbiga tortish vazifasini bajaradi. 

Anafazada xromosomalar hujayraning qutbiga tomon tortiladi. hujayraning membranasi ikkiga bo`lina boshlaydi. 

Telofazada hujayra qutblarida yig`ilgan xromosomalar zichlashib, yangi yadro va yadrochalarni hosil qiladi. Bu davrda hujayraning 

membranasi ham ikkiga bo`linadi. Shunday qilib, bitta ona hujayradan ikkita yosh hujayra hosil bo`ladi. 

Hujayralarning ko`payish tezligi asosan odamning yoshiga bog`liq. Bolalar va o`smirlar organizmining hujayralari tez ko`payadi. Bu 

ularning tez o`sishi va rivojlanishini ta`minlaydi. Katta yoshdagi odam organizmidagi hujayralar sekin ko`payadi. Bunda asosan nobud 

bo`lgan hujayralar o`rniga yangilari hosil bo`ladi. Masalan, yaralarning tuzalishi, singan suyaklarning bitishi, yallig`langan to`qima va 

organlarning tuzalishi kabilar. 

Hujayraning hayotiy jarayonlari. Har bir to`qima va organning hujayralari maxsus vazifa bajarishga moslashgan. Masalan, bezlarning 

hujayrasi ferment yoki gormon ishlab chiqaradi. Miyaning nerv hujayralari ta`sirni qabul qilish, ularni analiz va sintez qilish, ishchi 

organlarni harakatlantirish kabi vazifalarni bajaradi. 

Hujayralar normal yashashi, o`z vazifasini bajarishi, ko`payishi uchun ularda uzluksiz ravishda moddalar almashinuvi jarayoni davom etib 

turadi. Ovqat xazm qilish organlarida parchalanib, qonga so`rilgan oziq moddalar qon orqali hujayralarga o`tadi. Bu moddalarning bir 

qismi hujayraning tarkibiy elementlari muntazam ravishda yangilanib turishi va ularning ko`payishi uchun plastik material sifatida 

o`zlashtiriladi. Oziq moddalarning qolgan qismi esa nafas olish organlaridan qon orqali kelgan kislorod bilan oksidlanib, energiya hosil 

qiladi va bu energiya hisobiga hujayra qo`zg`aladi, harakatlanadi, ish bajaradi. 

Oziq moddalarning kislorod ishtirokida oksidlanishi va parchalanishi natijasida hosil bo`lgan qoldiq moddalar (karbonat kislota, 

mochevina - ammiak, siydik kislota, kreatinin, mineral tuzlar kabilar) hujayradan qonga o`tadi va ayirish organlari orqali tashqariga 

chiqarib yuboriladi. hujayralardagi moddalar almashinuvi va boshqa hayotiy jarayonlar gormonlar va nerv sistemasi orqali boshqariladi.