1. Qishloq xo‘jaligida bilim va innovatsiyalar tizimini 2021 2025-yillarda ustuvor rivojlantirish konsepsiyasi (keyingi o‘rinlarda Konsepsiya) 1-ilovaga muvofiq tasdiqlansin

3-bob. Konsepsiyani amalga oshirishdan kutilayotgan natijalar
Konsepsiyani amalga oshirishdan quyidagi natijalar kutilmoqda:
qishloq xo‘jaligi sohasi bilan bog‘liq ilmiy-tadqiqot tashkilotlari faoliyatini qamrab oluvchi yagona bilim va innovatsiyalar tizimi shakllantiriladi;
qishloq xo‘jaligida bilim va innovatsiyalarga bo‘lgan ehtiyojdan kelib chiqib, oliy ta’lim muassasalari hamda agrotexnologiyalar texnikumlari faoliyati takomillashtiriladi;
xorijiy tajribadan kelib chiqqan holda, Qishloq xo‘jaligi sohasi uchun kadrlarni tayyorlash, malakasini oshirish va ularni qayta tayyorlash tizimini samarali tashkil etish dasturi ishlab chiqiladi;
Milliy markaz va uning hududiy agroxizmatlar markazlari uchun yetuk kadrlarni tayyorlash, ularning malakasini doimiy oshirib borish, qayta tayyorlash va faoliyatini sertifikatlash tizimi yaratiladi;
global iqlim o‘zgarishini inobatga olgan holda suv tanqis mintaqalarda yer va suv resurslarini barqaror boshqarish bo‘yicha xalqaro sammit o‘tkaziladi hamda xalqaro ilmiy-tadqiqot markazi tashkil etiladi;
Qishloq xo‘jaligida bilim va innovatsiyalar milliy markazi hududida Xitoy Xalq Respublikasi bilan hamkorlikda Yanlin agroinnovatsiya parki tashkil etiladi;
ilmiy-tadqiqot muassasalari tomonidan yaratilgan intellektual mulkni xalqaro miqyosda himoya qilish va moliyaviy rag‘batlantirishning huquqiy asoslari takomillashtiriladi;
axborot maslahat hamda xizmatlar tarmog‘ini rivojlantirish uchun Xalqaro ekspert kengashi (International Expert Board) tashkil etiladi;
Qoraqalpog‘iston Respublikasi va viloyatlarda Qishloq xo‘jaligida bilim va innovatsiyalar Milliy markazi huzuridagi 100 dan ortiq xizmatlarni ko‘rsatish tizimi yo‘lga qo‘yiladi;
qishloq xo‘jaligida bilim va innovatsiyalar markazlari faoliyatiga agrar soha olimlari va malakali mutaxassislarni tizimli ravishda jalb etish, agroxizmatlar ko‘rsatuvchi mutaxassislar to‘g‘risidagi ma’lumotlari bazasi yaratiladi va doimiy yangilab boriladi.
O‘zbekiston Respublikasi Prezidentining 2021-yil 3-fevraldagi PF-6159-son Farmoniga
2-ILOVA