1 O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

Inqirozga qarshi PR
– seytnot (tang vaziyat), inqiroz, yuqori noaniqlik va 
tavakkalchilik sharoitida jamoatchilik bilan aloqalar olib borish; 
Tijorat, notijorat, davlat PR
– faoliyat maqsadidan kelib chiqqan xolda 
resurslardan foydalanishiga qarab farqlanadi. Masalan, tijorat maqsadlarida tijoratga 
oid axborotlar qo‘llanilsa, tijorat PR, va hokazo; 
Personal, tashkiliy va tovar PR –
qaysi ob’ektlar bilan ishlashiga ko‘ra 
farqlanadi, asosiy e’tibor kadrlarga qaratilganda personal PR va hokazo; 
Off-layn PR va on-layn PR –
faoliyat to‘laligicha PR – agentlik va 
tashkilotlar orqali amalga oshirilsa, off–layn PR, aksincha Internet tarmog‘i orqali 
amalga oshirilsa, on-layn PR; 
Ta’sir o‘tkazish usuli bo‘yicha PR-kampaniyalar ratsional va emotsional 
turlarga bo‘linadi. 
Ratsional (predmetli) PR 
– maqsadli auditoriyaga axborotni yetkazish, 
salohiyatli auditoriyaning anglashiga murojaat qilish, auditoriyani ishontira oladigan 
dalillarni (asoslarni) keltirish, o‘z fikrlarini so‘zlar yordamida erkin ifodalashga 
qaratiladi; bunday strategiyalarda aytilganlardan hosil bo‘lgan tasavvurlarni 
kuchaytirish ma mustahkamlash maqsadida ko‘pincha chizmalar va grafiklardan 
foydalaniladi.

---

150 
Emotsional (assotsiativ) PR 
– xotiralarni uyg‘otadi va fikrlashga majbur 
qiladi, ular his-tuyg‘ular, ehtiroslarga qaratiladi. Ramzlar, rasmlar – bunday 
strategiyalarda keng qo‘llaniladigan sevimli vositalardir, bunda ranglar gammasiga 
katta e’tibor qaratiladi, ko‘pincha tovushlardan foydalaniladi. PR-kampaniyalarda 
ratsional va emotsional strategiyalar ba’zan turli auditoriyalarga nisbatan qo‘llaniladi. 
Ifodalash usuli bo‘yicha PR-kampaniyalar “qattiq” va “yumshoq” turlarga 
bo‘linadi.