1 O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

149 
Ijtimoiy PR – 
jamiyat a’zolarining ijobiy xulq-atvorini shakllantirishga 
qaratilgan faoliyat bo‘lib odatda nodavlat, notijorat tashkilotlarining ijtimoiy va 
hayriya tadbirlarida aks etadi. 
Ichki PR – 
tashkilot doirasidagi maqsadli auditoriya bilan faoliyat olib 
borishdir. Ichki Public Relations ni tashkilot xodimlariga nisbatan ba’zan yana 
“human relations” yoki “corporate relations” korporativ PR deb ataydilar. Korporativ 
PR ning bosh vazifasi madaniyat tashkiloti ichida ijobiy iqlim va ijodiy muhitni 
yaratishdan iborat. Ichki PR bilan firmaning PR xizmati (bo‘limi), firmaning PR 
xizmatini (bo‘limini) tashkil qilish imkoniyatiga ega bo‘lmagan tashkilotlarida esa 
PR bo‘yicha mutaxassis shug‘ullanadi.
 
Tashqi PR – 
tashkilot nazorat qila olmaydigan tashqi auditoriya bilan faoliyat 
olib borish bo‘lib, jamoatchilik bilan aloqalar bo‘yicha joriy chora-tadbirlarni amalga 
oshirish, ulardan bosh maqsad jamoatchilikning tashkilot bilan allaqachon 
shakllangan munosabatlarini tegishli darajada ushlab turish va bu munosabatlarni 
rejali ravishda rivojlantirish; bir-biri bilan o‘zaro bog‘langan PR-aksiyalar va chora-
tadbirlar majmuasidan tarkib topadigan PR-kampaniyalarni tashkil qilish, PR-
kampaniyalar maqsadli guruhlarning tashkilotga, uning faoliyatiga nisbatan 
munosabatlarini shakllantirish yoki o‘zgartirishga qodir bo‘lgan muayyan aniq 
natijalarga erishishga yo‘naltiriladi. Qoidaga ko‘ra, PR-tadbirlarni ishlab chiqish 
bilan PR-agentliklar yoki taklif qilingan PR-konsultantlar (maslahatchilar) 
shug‘ullanadi, tashkilotlar, jumladan, o‘zlarining jamoatchilik bilan aloqalar 
xizmatlari (bo‘limlariga) ega bo‘lgan tashkilotlar ularning buyurtmachilari bo‘lib 
hisoblanadi; 
Kundalik PR
– vaziyatni qo‘lga olish maqsadida kundalik aloqalarni amalga 
oshirish faoliyatidir;