1. «O’zagrosug’urta» davlat aktsiyadorlik sug’urta kompaniyasi. «Kafolat» davlat aktsiyadorlik sug’urta kompaniyasi «Madad» sug’urta agentligi

2. «Kafolat» davlat aktsiyadorlik sug’urta kompaniyasi SHaxar korxonalari va axolisi bilan qishloq korxonalari va axolisining iqtisodiyoti va turmush sharoiti bir xil bo’lmagandek ulardagi sug’urta ob`ektlari, xatto sug’urta xodisalari xam bir xil emas, bir-biridan farq qiladi. SHu munosabat bilan shaxar va qishloq joylarida sug’urta ishlarini tashqil qilishda ularni xususiyatlarini e`tiborga olish talab etiladi, chunki sanoat va qishloq xo’jalik korxonalarining mol-mulki mexnat sharoiti bir xil bo’lmagandek xonadonlardagi uy-ro’zgor anjomlarining xam o’z xususiyatlari bor. Ana shu xususiyatlarni ko’zda tutib respublika Vazirlar Maxkamasi shaxar xududida joylashgan yuridik va jismoniy shaxslarga sug’urta xizmatlarini ko’rsatish maqsadida «Kafolat» davlat aktsiyadorlik sug’urta kompaniyasini tashqil etdi. Uning asosiy vazifalari quyidagilardan iborat: - shaxar joylarida axoli xayotini, salomatligini va mol-mulkini sug’urta qilish; - korxonalar, tashkilotlar va muassasalar mol-mulkini sug’urta qilish; - yuridik va jismoniy shaxslarning moliyaviy va tadbirkorlik tavakkalchiliklari sug’urtasini amalga oshirish; - qonunda ko’zda tutilgan sug’urtaning majburiy turlarini amalga oshirish; - qayta sug’urta operatsiyalarini amalga oshirish, sug’urtaviy maslaxat xizmatlarini ko’rsatish; - maxalliy sharoitlarni xisobga olib, sug’urtaning yangi turlarini joriy qilish; - sug’urtaning qonunchilik xujjatlarida va xukumat qarorlarida nazarda tutilgan majburiy turlarni amalga oshirish. Sug’urtaning majburiy turlariga fuqarolar mol-mulki, trasport vositalari egalarining fuqarolik javobgarligi, yo’lovchilar sug’urtasi, O’zbekiston temir yo’llari, parvozlarda ishtirok etuvchi xodimlar, oddiy askarlar va boshqalar tarkibiga kiruvchi xarbiy xizmatchilarni va xarbiy xizmatini o’tashga majbur shaxslarni sug’urtalash turlari kiradi. «Kafolat» davlat aktsiyadorlik sug’urta kompaniyasining tuzilmasi quyidagicha:
3. «Madad» sug’urta agentligi
O’zbekiston Respublikasi sug’urta tizimidagi «Madad» sug’urta agentligining asosiy vazifasi xususiy tartibda ish olib boruvchi kichik va xususiy biznesni qo’llab-quvvatlash, tadbirkorlarga imtiyozli kredit berish bilan aloqador sug’urtaning boshqa turlarini amalga oshirishdan iboratdir. Agentlik faoliyatining asosiy yo’nalishlari qishloq xo’jaligi maxsulotlarini qayta ishlash, fermer xo’jaligini rivojlantirish, binokorlik industriyasi, maxalliy sanoat, turizm, xizmat ko’rsatish doiralari tomonidan taqdim qilinadigan investitsiya loyixalarini baxolash va ekspertizadan o’tkazib, biznes fond xisobidan kichik biznes va xususiy tadbirkorlarga imtiyozli shartlar bilan kredit berishga tavsiya qilishdir. SHu bilan birga agentlik imtiyozli shartlar asosida tadbirkorlarni sug’urta qiladi. O’z vaqtida qaytarilmagan kreditlarni qaytarishga yordam beradi, xorijiy investitsiyalarni sug’urtaviy ximoya qilish va boshqa sug’urta xizmatlarini amalga oshiradi. «Madad» sug’urta agentligi taqdim qilingan loyixalarni ko’rib chiqish va xaridorlarga qulay shart-sharoitlar yaratish maqsadida 10 dan ortiq konsalting firmasi bilan xamkorlikda ish olib boradi. «Madad» sug’urta agentligi respublikamiz mintaqalarida o’zining 13 filialiga ega bo’lib, bu orqali fuqarolar va yuridik shaxslarga nisbatan olgan majburiyatlarini o’z vaqtida amalga oshirishga xarakat qilmoqda.