1. O‘quvchilarning ma'naviy axloqiy tarbiyalashning nazariy asoslari

Mundarija:
Kirish
1. O‘quvchilarning ma'naviy axloqiy tarbiyalashning nazariy asoslari
2. Ma'naviy ma'rifiy tadbirlar o‘quvchilarni ma'naviy axloqiy tarbiyalash vositasi sifatida
3. Ma'naviy ma'rifiy tadbirlar tashkil etishda ijtimoiy tashkilotlar va ularning ijtimoiy tuzilmasi
4. Ma'naviy ma'rifiy tadbirlar orqali o‘quvchilarni ma'naviy axloqiy tarbiyalashning yo‘l va usullari
5. O‘quvchilar ma'naviy axloqiy tarbiyasida- tadbirlar faoliyati mazmuni
6. Ma'naviy axloqiy tarbiyalashga qaratilgan didaktik va harakatli o‘yinlarni tashkil etish
Xulosa
Foydalanilgan adabiyotlar ro‘yxati
Kirish
Mavzumuning dolzarbligi. O’zbekiston insonparvar, demokratik, huquqiy davlat barpo etish tomon borayotgan ayni davrda ma’naviy madaniyati yuksak avlodni tarbiyalash, voyaga yetkazish muhim ahamiyatga ega bo’lgan vazifalardan biriga aylandi. Bunday yangi avlod mamlakatimiz kelajagi va taraqqiyotiga munosib hissa qo’shishini e’tirof etib yoshlar ma’naviyatini shakllantirish ularni barkamol insonlar etib tarbiyalash davlat siyosatining ustuvor yo’nalishlaridan biri sifatida belgilandi. Zero, ma’naviyati yuksak darajada shakllangan yoshlargina vatanimizni dunyo miqyosiga olib chiqish bilan birga Vatan, xalq oldidagi burch va vazifalarni ham chuqur anglagan, milliy g’urur, milliy iftixorga ega bo’lgan, or-nomusi baland avlod bo’lib yetishadi.
Prezidentimiz Islom Karimov ta’kidlaganidek, «Jamiyatda yuksak ma’naviy fazilatlarni kamol toptirish, milliy mafkurani shakllantirish, yoshlarni boy madaniy merosimiz, tarixiy an’analarimizga, umuminsoniy qadriyatlarga hurmat, vatanga muhabbat ruhida tarbiyalash mamlakatimizda amalga oshirilayotgan barcha islohotlarning hal qiluvchi omilidir ».¹
Xususan, «Ta’lim to’g’risida»gi Qonun va «Kadrlar tayyorlash Milliy dasturi»ga kiritilgan asosiy masalalardan biri ham yoshlarning ma’naviy-axloqiy fazilatlarini zamon talablari darajasida shakllantirishdan iborat.
Ma’naviy kamolot barcha zamonlarda ham jamiyat taraqqiyotining eng muhim omillaridan biri bo’lganligi tarixdan ma’lum. Yuksak ma’naviyat sohibi bo’lgan, milliy va umuminsoniy qadriyatlarga hurmat bilan qarab, ularga asoslangan, umuminsoniy, umumbashariy odob-axloq qoidalariga suyangan, ilm-fan va ma’rifat yutuqlarini o’zining amaliy faoliyatida qo’llay bilgan millatgina kelajakka tomon komil ishonch bilan bora oladi.