1. Мукаддима маълумот дар бораи фан

132.Дар бораи хати аксй(пиктография-пиктус-акс) маълумот дихед.
Хати нахустинро хати аксӣ (пиктография-пиктус-акс) мегўянд, аз он сабаб ки ба воситаи суратҳо, тасвирҳо ифода мегардид. Ба тарзи дигар гўем, хати акси ҳикоятест, ки бо ёрии суратҳо, тасвирҳо ифода мегардид, аз он сабаб ки вай ба воситаи суратҳо, тасвирҳо ифода мегардид. Ба тарзи дигар гўем, хати аксӣ ҳикоятест, ки бо ёрии суратҳо баён меёфт. Хати аксӣ хеле ривоҷ дошт ва қариб ҳамаи мардумони қадим ё одамоне, ки давраи ибтидоиро аз сар гузарониданд, онро истифода бурдаанд. Вай барои он нуфузи зиёд дошт, ки ба ҳамаи аъзои қабила фаҳмо буд ва омўзиши махсусро талаб намекард. Хати ҳар як халқ хусусиятҳои хос низ дошт, чунки аломатҳои он хусусиятҳои табиат, олами ҳайвоноту наботот, санъату маданият, маишат, либос ва расму оини ҳамон маҳал ва халқро дар худ акс мекард. Хати аксӣ дар замони мо ҳам ба андозаи муайян ба кор меравад. Аз ҷумла, бисёр нишонаҳои роҳ, тавсири молҳои гуногун дар назди магазину дўконҳо ва устухонҳо хусусияти хати аксӣ доранд. Боз аломатҳои шартии кадим мавҷуд буд, ки аз хати аксй ба вуҷуд омадааст. Аломатҳои шартӣ, асосан, барои ба кӣ тааллуқ доштани ашё истифода мешуданд. Масалан, аломатҳои шахсӣ ва авлодию қабилавиро гирем. Онҳо дар аслиҳа, ҳайвоноти хонагӣ ва маснуоти сафолӣ гузошта мешуданд. Чорводор, барои он ки чорвояш бо моли дигарон иваз нашавад ё ки онҳоро зуд фарқ карда тавонад, дар гўши онҳо ба тарзи махсус аломат мегузошт (ин барои чорвои хурд: бузу гўсфанд маъмул буд, ба аспҳо тамға мегузоштанд ва ин одат имрўз низ давом дорад). Ҳукмронон дар танга, муҳр, герб ва байроқи худ аломатҳои махсуси худро мегузоштанд, ҳунармандон барои асбобҳои сохтаашон нишонҳои Хосе доштанд, ки аз рўи он амали кадом усто будани маҳсулотро пай бурдан мумкин буд ва ғайра.
Унсурҳои аломатҳои шартии қадим имрўз низ аз тарафи мардумони мутараққию мутаммаддини ҷаҳон истифода мешаванд. Аломатҳои фарқро дар погонҳо, нишони мактабҳои олӣ, гербу байрақҳо ва амсоли инҳо дидан мумкин аст.