1. Moliya / Banklar va boshqa kredit muassasalari. Kreditlar

56118 Ijtimoiy himoya

Hisobvaraqning ta’rifi: bankning qonunchilikda ko‘rsatilgan hollarda meqnat shartnomasini muddatidan oldin tugatish vaqtida beriladigan ishdan bo‘shatish nafaqa (posobiya) to‘lovlari va kompensatsiya to‘lovlari, shuningdek qonunchilikka va bank nizomiga muvofiq ravishdagi nafaqa (bolalarga qonunchiliqda o‘rnatilgan balog‘at yoshiga yetgunicha beriladigan va boshqa) to‘lovlari, moddiy yordam pullari va boshqa to‘lovlarining hisobi olib boriladi.

Hisobvaraqning debetida ijtimoiy himoya uchun amalga oshirilgan xarajatlar summasi aks ettiriladi.

Hisobvaraqning kreditida noto‘g‘ri to‘langan xarajatlarning qaytarilish summasi, shuningdek moliyaviy hisobot yilining oxirida bank moliyaviy natijasi sifatida 31206 — “Sof foyda (zarar) (aktiv-passiv)” hisobvaraqqa o‘tkaziladigan summa aks ettiriladi.

56122 Bandlikka ko‘maklashish davlat jamg‘armasi va boshqa jamg‘armalarga badallar

Hisobvaraqning ta’rifi: Bandlikka ko‘maklashish davlat jamg‘armasiga, Kasaba uyushmalari Federatsiyasi Kengashining ijtimoiy sug‘urta budjetiga va boshqa jamg‘armalarga bank ajratmalari, shuningdek qonun hujjatlariga muvofiq bank xodimlarining sog‘liqni va boshqa ixtiyoriy va majburiy sug‘urtalash bo‘yicha badallari hisobi.

Hisobvaraqning debetida Bandlikka ko‘maklashish davlat jamg‘armasiga va boshqa jamg‘armalarga amalga oshirilgan ajratmalar summalari aks ettiriladi.

Hisobvaraqning kreditida noto‘g‘ri to‘langan xarajatlarning qaytarilgan summasi, shuningdek fiskal yil oxirida moliyaviy natija sifatida 31206 — “Sof foyda (zarar) (aktiv-passiv)” hisobvarag‘iga yopiladigan summa aks ettiriladi.