1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

2.2.  Sabaqtın’ tiykarg’ı bo’limin o’tkeriw metodikası 

Sabaqtın’ tiykarg’ı bo’limin o’tkeriwge qoyılg’an ulıwma talaplar. Sabaqtın’ 

tiykarg’ı bo’liminde belgili h’a’reket ko’nlikpelerin qaliplestiriw h’a’m fizikalıq 

sapalardı rawajlandırıwg’a baylanıslı wazıypalar qoyıladı. Ha’r bir sabaqta taza 

shınıg’ıwlar menen aldın o’tilgen materiallardın’ salıstırmalı sanın anıqlap alıw 

u’lken  a’h’miyetke  iye.  Sabaqta  taza  oqıw  materialların  ko’p  qollanıwg’a  da 

sonın’ menen  taza materiallarsızda  o’tiwge  bolmaydı. Sebebi bunda waqıtta 

sabaqtın’ na’tiyjeliligi, oqıwshılardın’ qızıg’ıwshılıg’ı pa’seyedi, olardın dıqqatı 

basqa  zatlarg’a’  bo’linedi.  Jan’a  oqıw  materialın  u’yreniw  a’dette  keyingi  bir 

neshe sabaqtı ko’zde tutqan h’alda jobalastırıladı.  

Kishi  mektep  jaındag’ı  balalar  menen  sabaq  o’tkende  tiykarg’ı  bo’limge 

to’rtke  shekemgi    h’a’r  qıylı  shınıg’ıwlar,  sonın’  ishinde  h’a’rektli  oyınlarda 

kiritiliwi mu’mkin. 

Sabaqtın’  na’tiyjeliligi  gimnastikalıq  shınıg’ıwlardı  durıs    almastırılıp 

turıwg’a  da    baylanıslı  boladı.  Oqıwshılarg’a  tayanıp  orınlanatug’ın 

shınıg’ıwlardan keyin asılıp orınlanatug’ın shınıg’ıwlardı jobalastırıw maqsetke 

muwapıq boladı.