1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

 

2. Sabaqtın’ du’zilisi 

Gimnastika sabag’ı, basqa sabaqlar sıyaqlı belgili du’ziliske iye: Tayarlıq, 

tiykarg’ı h’a’m juwmaqlawshı. 

Tayarlıq bo’lim: 8-12 minut dawam etip belgili wazıypalarına iye:  

1. Biologiyalıq  aspektke  iye  wazıypalar:  oqıwshılardın’  organizmin 

bolajaq  jumıslarg’a  tayarlaw  (oraylıq  nerv  sistemalardı  h’a’m  tayanısh 

h’a’reket  apparatların  sabaqtın’  tiykarg’ı  bo’liminde  orınlanatug’ın 

shınıg’ıwlarg’a tayarlaw). 

2. Pedagogikalıq aspektke iye wazıypalar: - h’a’r qıylı tezlikte, ken’likte 

h’a’m bulshıq etlerdin’ qozıw da’rejesinde oqıwshılardı  h’a’reket xızmetin 

orınlawg’a u’yretiwdi qa’liplestiriw. Kishi klasslarda pedagogikalıq aspektke 

iye wazıypalarg’a’ kewil bo’liw kerek. 

Mug’allim  bul  wazıypalardı    sabaqtın’  tayarlıq  bo’liminde  sheshiw  ushın 

h’a’r qıylı qurallar paydalanadı: sap shınıg’ıwları, h’a’reketleniwdin’ h’a’r qıylı 

tu’rleri, ayaq oyın shınıg’ıwları, h’a’reketli oyınlar, h’a’reketlerdi baylanıstırıw 

ushın ulıwma h’a’m erkin shınıg’ıwlar. h’.t.b. 

Tayarlıq  bo’limde  tez  pa’t  penen  islenetug’ın  shınıg’ıwlardı  orınlaw 

maqsetke  muwapıq  bolmaydı.  Sebebi  bunday  urınıs  tiykarg’ı  bo’limde 

oqıwshılardın’  jumıs  islew  qa’biletin  h’a’m  aktivligin  to’menletedi.  Sol  ushın 

bull  jerde  ku’sh,  shıdamlılıq  u’ksag’an  h’a’reket  sapaların  rawajlandırıw 

wazıypası qoyılmaydı.