1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

7-modul. GİMNASTİKA SABAQLARINDA JARAQATLANIWDIN’ 

ALDIN ALIW 

 

Joba 

1.  Sporta jaraqatlanıw menen gu’resiwdin za’ru’rligi 

2.  Gimnastika  sabaklarındag’ı  jaraqatlarg’a  sıpatlama  h’a’m  birinshi 

ja’rdem 

3.  Gimnastika  sabaklarında  jaraqatlanıwdı  boldırmawdın’  tiykarg’ı 

ilajları 

4.  Qorg’anıw  ilajları,  ja’rdem  h’a’m  o’zin-o’zi  qorg’aw  a’mellerin 

qollanıw 

 

Gimnastikanın’ sport bag’darı tu’rleri shınıg’ıwlarının’ o’zine ta’n o’zgesheligi, 

sabaq  o’tiw  protsessinde  sho’lkemlestiriwshi  h’a’m  metodikalıq  talaplardı  qatan’ 

turde saqlawdı talap etedi. Gimnastikalıq u’skenelerde h’a’m akrobatikadag’ı qıyın 

koordinatsiyalı  shınıg’ıwlardı  orınlag’anda  bul  talaplarg’a  boysınbaw  u’skeneden 

u’ziliw,  jıg’ılıw,  qolaysız  tu’siw  qa’wipin  tuwdıradı,  bul  o’z  gezeginde  baxıtsız 

h’a’diysege alıp keledi. Sporttag’ı jaraqatlanıw menen gu’resiw - bul den sawlıqtı 

ku’sheytiw,  oqıwshılardı  h’a’r  ta’repleme  fizikalıq  jaqtan  rawajlandırıw  h’a’m 

joqarı  da’rejeli  sportshılardı  ta’rbiyalawg’a  kerekli  jag’daylardı  jaratıw  bolıp 

tabıladı. Gimnastika sabag’ındag’ı h’a’r qanday jaraqat  alg’an shug’ıllanıwshının’ 

denesinde h’a’m psixologiyasında uzak waqıtka shekem izi qaladı. Jaraqat alg’an 

sportshı  qandayda  bir  waqıtka  shekem  shınıg’ıwdı  toqtatadı  yamasa  shınıg’ıw 

islesede tolıq ku’sh penen isley almaydı, sonın’ natiyjesinde gimnast «sport forma» 

sın  h’a’m  jumıs  islew  qa’biletin  joytadı,  onın’  fizikalıq  h’a’m  texnikalıq  tayarlıq 

da’rejesi to’menleydi. Bul jaraqatlanıwdın’ unamsız bir ta’repi. Gimnastlardın’ sport 

sheberliginin’  o’siwine  tosqınlıq  qılatug’ın  ekinshi  unamsız  ta’repi  bul 

psixologiyalıq  jaraqat  bolıp  tabıladı.  Gimnast  o’zine  isenimin  joytadı,  onda 

u’skeneden h’a’m shınıg’ıwdı tolıq ku’sh penen orınlawda qorqıw payda boladı. Bul 

o’z  gezeginde  onın’  sport  sheberliginin’  o’siwin  pa’seytedi.  Solay  etip 

jaraqatlanıwdın’ aldın alıw ilajları den sawlıqtı ku’sheytiwdin’ za’ru’r jag’dayı bolıp 

qoymastan,  ol  gimnastlardın’  fizikalıq  tayarlıg’ı  h’a’m  sport  texnikalıq 

sheberliginin’ o’siwin ta’miynleydi.