1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

Ko’rkem  gimnastika  h’a’m  onın’  ayrıqsha  o’zgesheligi  -  bul  orınlanıp 

atırg’an  shınıg’ıwlar  h’a’m  onın’  menen  birge  orınlang’an  muzıka  arasındag’ı 

baylanıs  bolıp  tabıladı.  Bunday  tıg’ız  baylanısqa  muzıka  h’a’m  h’a’rekettegi 

ulıwmalıq,  birinshi  gezekte  ritm  ja’rdem  etedi.  Biraq  ta  shınıg’ıwlardın’  tezligin 

h’a’m  tempin  muzıka  ja’rdeminde  o’zgertiw  gimnastikanın’  basqa  tu’rlerinde  de 

paydalanıladı. Mısalı: sport gimnastikasında qızlar ko’p gu’resi tu’ri bolg’an erkin 

shınıg’ıwlarda paydalanadı. 

Ko’rkem gimnastikanın’ tiykarg’ı shınıg’ıwların, h’a’rekettin’ h’a’m denenin’ 

h’a’r qıylı bo’limleri birliginde sekiriwler, burılıwlar, ju’riwdin’ h’a’m juwırıwdın’ 

h’a’r tu’rli formalar, zatlar (bulava, lenta, top, obruch, skakalka) menen islenetug’ın 

shınıg’ıwlar h’a’m ko’plegen basqa shınıg’ıwlar quraydı. 

Shug’ıllanıwshılardın’  ulıwma  tayarlıg’ı  ushın  izbe-iz  qatar  shınıg’ıwları, 

akrobatikanın’ ayırım elementleri, ulıwma rawajlandırıwshı shınıg’ıwlar, tirkewshi 

shınıg’ıwlar qollanıladı. Ko’rkem gimnastikanın’ tiykarg’ı shınıg’ıwlarının’ barlıg’ı 

ayaqqa tayang’an h’alda islenedi.