1. Mineral resurslar bilan ta‘minlanganlik O‘zbekistonning mineral resurslari va ulardan foydalanish

Metalli ma‘danlar. Oltinning hozirgi vaqtda 30 dan ortiq konlarni aniqlangan. Uning asosiy zaxirasi Markaziy Qizilqumdagi oltin ma‘danli manbalarda mujassamlashgan. Butun dunyoga mashhur Muruntog‘ oltin-kvarts koni Yevrosiyo materigidagi eng yirik va dunyodagi eng sifatli kon hisoblanadi. O‘zbekiston oltinning qariyb 80 %i mana shu kondan qazib olinadi. Huddi shunday yana bir majmua Kokpatos konidir. Unda keyingi 10 yil mobaynida 40 t dan ortiq oltin qazib chiqarildi. Daugiztog‘ va Omontoytog‘ oltin-sulfid konlarining aniqlangan oltin zaxirasi 300 t ga yetdi, unda har yili 4 t gacha oltin ishlab chiqarilmoqda. Zarmistan, Gujumsoy, Qizilolmasoy, Bulutkon, Balpantog‘, Aristontog‘, Turboy konlarining ham istiqboli keng. Shuningdek, Marjonbuloq (Jizzax viloyati) oltin koni, Chotqol-Qurama tog‘laridagi oltin konlarining ham ahamiyati sezilarli.
Kumushning hozirda 26 tadan ortiq konlari hisobga olingan. Uning zaxirasining asosiy miqdori (80,4 %) Qalmaqir va Dalnoe (32,9 %), Uchquloch (8,6 %), Xondiza (12,2 %) majmuali konlari, Kochbuloq (3,3 %), Qizilolmasoy (5,3 %), Muruntog‘ oltin-ma‘dan konlari va boshqa manbalar (18,2 %) hamda Vsokovolnoe (11,5 %), Kosmonachi (6,1 %), Okjetpes (2,0 %) bevosita sof kumush konlariga to‘g‘ri keladi.
Uran. Qimmatbaho metallar bilan birga uran ishlab chiqarishda ham respublika dunyoda o‘z mavqeyiga ega. Uning 30 ta koni aniqlangan bo‘lib, hozirgacha tayyorlangan zaxirasi 100 ming tonnadan ortdi. Uran bilan qo‘shimcha ravishda renit, skandiy, selen kabi noyob boshqa elementlar ham qazib olinadi.
Mis zaxirasining katta qismi Olmaliq kon-ma‘dan majmuasi konlarida joylashgan. O‘tgan yarim asrdan ortiq davr mobaynida ushbu zaxiraning atigi 20 % ga yaqini qazib olingan. Bu konlarda misdan tashqari oltin, kumush, oltingugurt, tellur, selen, reniyning yirik zaxiralari ham jamlangan.
Volfram ma‘dani respublika hududida ma‘lum bo‘lgan Langar, Ingichka, Qo‘ytosh, Yaxton, Sargardon konlaridan tashqari Siritog‘ va Sautboy konlari ham aniqlandi.