1. Мавзуга кириш Жисмоний маданият дарсининг мазмуни Жисмоний тарбия дарсининг тузи­лиши

4- МАВЗУ: Жисмоний тарбия дарсларини тузилиши ва мазмуни
РЕЖА:
1.Мавзуга кириш
2. Жисмоний маданият дарсининг мазмуни
3. Жисмоний тарбия дарсининг тузи­лиши
4. Даснинг тайёрлов қисми ва унда амалга ошириладиган функционал тайёргарлик
5.Хулоса ва фойдаланилган адабиётлар


1.Мавзуга кириш
Жисмоний маданият дарси умумий таълим мактаблари, академик лицейлар, гимназиялар, касб-ҳунар коллежлари, олий ўқув юртлари, ва бошқа ўқув муассасаларидаги машғулотларнинг бошқа типларидан ўзининг умумий мақсади ва дарсда ҳал қилинадиган умумий ва хусусий вазифалари билан фарқланади.
Ўқув ишлари умумий таълим мактабида таҳсил олиш йиллари давомида олиб борилади, у бир ёки бирнеча йииллик эмас. Мазмуни ва ташкилланишини турли туманлиги билан характерланадиган амалдаги жисмоний маданият дарслари турли хилда туркумланади ҳамда жисмоний тарбия таълимининг бу йўналишидаги белгиланган аниқ вазифаларни ҳал қилади, мақсад қилиб белгиланган натижаларни ўқув чорагининг қатор дарсларида, ўқув чоракларида ҳамдаги ўқув йили давомида ҳал қилишга йўналтирилади. Дарснинг умумий ва хусусий вазифалари эса ҳар бир дарсда ҳал қилинади.
Дарслардаги ўқитилиши лозим бўлган ўқув материали олдин ўқитилган, ўргатилган ҳаракатлар билан ва кейин ўқитиладиганлари билан узвий боғланишда бўлиши, бошқачасига айтганда ҳаракат техникасининг асоси, звенолари ёки уларнинг айрим қисми, ўша қисмининг бўлаги(детали) ўзаро боғланган бўлиши тақазо этилади. Ҳаракатлар алоҳида тузилмалар тарзида ўзининг техникасининг асоси , звенолари ва унинг деталларидан ташкил топиши жисмоний маданият назариясининг қонуниятларидан биридир.


2.Жисмоний маданият дарсининг мазмуни
Дарснинг тўртта асосий компонентларининг умумлашмасидан – дарс конспекти матнига киритилган жисмоний машқлар, дарсда уларни бажариш орқали ўқувчи организмида содир бўладиган ўзгаришлар(физиологик, биологик, биомеханик, психиологик ва бошқалар), дарс давомида ўқитувчининг ҳамда ўқувчиларнинг фаолияти жисмоний маданият дарсининг мазмунини ифодалайдиган дарс тушунчасининг тарифи юзага келди. Улар: Қайд қилинган жиҳатлар ўзаро бир бири билан ўз аро узвий боғланган ва улар жисмоний маданият дарсининг характерли компонентлари(жиҳатлар) деб аталмоқда.