1. Mavzu: Yog’

24-rasm.
_{Sherxebel randalash}
25-rasm.
_{Payraxa sindirgichli randa}

Payraha sindirgich kesuvchi pichoqqa qancha yaqin o’rnatilsa, u payrahani shuncha tez sindiradi, shu bois yog’ochga sifatliroq ishlov berish uchun payraha pichoqqa yaqinroq qo’yiladi, ammo shuni esdan chiqarmaslik kerakki, payraha sindirgichni juda yaqin (2 mm dan yaqin) o’rnatish mumkin emas, chunki bunda payraha tig’ tagida tiqilib qolaveradi va randalash qiyinlashadi.
Yog’ochni randalash uchun, yog’och randalardan tashqari, bir va qo’sh pichoqli metall sherxebel va randalar ham ishlatiladi. Bunday randalar metall korpusdan iborat bo’lib, unga pichoq kirgizilib, vint bilan mahkamlab qo’yiladi. Randaning shoxi va dastasi yog’ochdan yasaladi. Olinadigan payrahaning qalinligi pichoqning chiqib turish kattaligini o’zgartirib rostlanadi. Buning uchun vintni bo’shatib,
pichoqni yuqoriga yoki pastga surish, keyin vintni yana mahkamlash kerak.
Metall randalar yog’och randalardan og’irroq bo’ladi, shu sababli ular asosan qattiq yog’ochlarni randalash va ta’mirlash ishlari uchun ishlatiladi (26-rasm).