1. Mavzu: Yog’

23-rasm.
Randaning duradgor qo’llaridagi vaziyati.

Randalar detallarining sirti suvga chidamli oqish lok bilan qoplanadi, ammo korpuslari tagligi va ponaning pichoqqa tegib turadigan sirti bundan mustasno.

Sherxebel taxtani tolalariga bo’ylama, ko’ndalang yo’nalishda va burchak ostida xomaki randalashga mo’ljallangan. Sherxebel bilan randalangan yuza notekis chiqadi, unda novlar ko’rinishidagi o’yiqlar ko’rinadi, bunga pichog’ining tig’i 35 mm radiusli oval shaklida ekanligi sabab bo’ladi. Randalash uchun pichog’i 3 mm gacha chiqarib o’rnatiladi (24-rasm).
Bir pichoqli randa arralangan yoki sherxebel bilan ishlov berilgan yuzani tekislash uchun ishlatiladi. Pichog’ining 40-50 mm kenglikdagi tig’i to’ppa-to’g’ri bo’ladi, u
1 mm chiqarib qo’yiladi. Mazkur randada payraha sindirgich (bukr moslama) bo’lmaganidan payraha sinmasdan chiqadi, shu bois ishlov berilgan yuzada ko’pincha shilingan, ba’zan esa sinib ko’chgan joylar bo’ladi.
Qo’sh pichoqli randadan yog’ochni tozalab randalash, uchlarini, tolalari buralgan yog’ochni va shilingan yog’ochni randalash uchun foydalaniladi. Bu randada, kesuvchi pichoqdan tashqari, kontrpichoq-payraha sindirgich ham bor (25-rasm).
Payraha sindirgich randalash sifatini yaxshilaydi, chunki payraha yog’ochdan
ajralgandan keyin pichoq bo’ylab yuqori ko’tariladi, egiladi va payraha sindirgichga kelib, sinadi. Ajralgan payrahaning sinishi yog’och sirtidan yog’och sinib ko’chishining oldini oladi.