1. Mavzu: Yog’

27-rasm.
Katta (do’lvor) randa


Kalta detallarga korpusi kaltaroq (650 o’rniga 530 mm) bo’lgan kichik do’lvor randalar bilan ishlov beriladi. Shilingan va tolalari buralgan yog’ochni tozalab randalash uchun kalta korpusli randa - shliftik ishlatiladi. Shliftikning tirqishi tor (5 mm) va pichog’ining yotish burchagi katta (60°) bo’lgani uchun u bilan ishlaganda yupqa payraha chiqadi va ishlov berilgan yuza toza chiqadi. Pichog’ining tigi 0,5 mm chiqarib qo’yiladi.
Sinubel yelimlanadigan (qoplanadigan) yog’och yuzasida zo’rg’a ko’rinadigan mayda ariqchalar va tukdorlik hosil qilish uchun qo’llaniladi (28-rasm). Pichog’ining tig’i kertik-mertik (o’tmaslashtirilgan) bo’ladi. Sinubelning
o’tmaslashtirilgan pichog’ini oddiy pichoq bilan almashtirib, undan shliftik sifatida foydalaniladi.
Ko’ndalang kesiklarni randalaydigan randadan oddiy randa sifatida ham, kesiklarni tozalash uchun ham foydalaniladi, chunki unga yon yuzasiga nisbatan burchak ostida o’rnatilgan pichoq randalash jarayonini osonlashtiradi va ishlov berish sifatini oshiradi. Taxta o’qiga nisbatan burchak ostida randalashda oddiy randadan kesiklarni randalaydigan randa sifatida foydalanish mumkin.