1-Mavzu: XI xv asrlarda Angliya Mustahkamlash uchun savollar

Vizantiyaning istilo qilingan hududlarini o’zlariga mulk qilib olgan ko’chmanchi zodagonlar bora-bora feodal tipidagi o’troq yer egalariga aylanib, tobe etilgan yunon-vizantiyaliklarni va slavyan aholisi ustidan hukmronlik qildilar. Oddiy turklarga ham yer ulashib berildi, boshda ko’proq o’tloqlar, ular o’troq holga ko’chib dehqonchilik qila boshlaganlaridan so’ng esa haydab eknn ekiladigan yerlar ham beriladigan bo’ldi. Harbiy sohada erishilgan yutuqlar va ancha hududlarning qo’shib olinishi turk feodallarini yangidan yangi istilolarga undadi, xususan, qo’shni davlatlar, ya'ni Vizantiya va Bolqon yarim orolidagi boshqa davlatlar parchalangan holatda qolib kelaverdilar, ularning o’zaro munosabatlari esa avvalgicha dushmanlik munosabatida qolaverdi, shuning natijasida ularning bosqinchilarga zarba berishga qurbilari yetmas edi. Urxon 1331- yili Nikey shahrini, keyin esa Vizantiyaning Kichik Osiyodagi boshqa barcha mulklarini istilo qilgandan so’ng, Yevropada istilolar qilishga kirishdi. 1354- yili u Gallipol shahrini bosib oldi. So’ngra turklar Frakiyaga bostirib kirdilar. Endi Urxon u tomonga ikkita yurish qildi. Bu viloyatlar bundan keyingi sulton, ya'ni Murod I davrida (1359—1389) istilo etildi. Murod I 1361- yili Frakiyaliklarning asosiy shahri — Adrianopolni bosib oldi, u Brusu o’rniga Turkiyaning yangi poytaxti bo’lib qoldi.