1-Mavzu: XI xv asrlarda Angliya Mustahkamlash uchun savollar

9. Germaniya imperiyasi tizimida Chexiya (Bogemiya) qirolligi ham ziddiyatli ahvolni boshidan kechirardi. Chexiya korollari imperatorning vassallari edilar. Germaniyada imperatorlik hokimiyati tushkunlikka uchrashi bilan Chexiya qirollari imperiyaning boshqa yirik knyazlariga o’xshash, aslida mustaqil hokimlarga aylandilar. Fridrix II Shtaufen davrida va XIII asrning II yarmidagi hokimiyatsizlik davrida Bogemiya qirollarining ahvoli birmuncha yaxshi bo’ldi. Bu vaqtda Chexiya koroli knyaz – kurfyurst huquqini oldi. Uning o’zi chex panlari seymi tomonidan saylanib, ichki idora ishlarida to’la mustaqillikka ega bo’ldi. Chexiya qiroli saroyida va chex panlarining saroylarida germanlashish alomatlari kuzatildi. Chex feodallari va saroy a'yonlari chex xalqidan shu darajada begonalashdilarki, XIII asrda Chexiyaga kelib ketgan ajnabiylar Chexiya to’g’risida u ikki millatli mamlakatdir deb yozadilar. Chex feodallari va saroy a'yonlari nemis tilini o’rganib, nemis tilida so’zlashib, nemis kiyimini kiyib yuradigan bo’ldilar. Ammo, shaharliklar – meshchanlar va dehqonlardan iborat oddiy xalq chex tilida gaplashib, o’zining eski urf – odatlarini va milliy qiyofasini saqlab qolishga harakat qildilar.