1-Mavzu: XI xv asrlarda Angliya Mustahkamlash uchun savollar

8. Vorms konkordati. Investitura uchun kurash XI asr oxiri XII asr boshlarida ham davom etadi. Genrix IV ga qarshi Grigoriy VII ning vorislari o’z o’g’li Genrix V ni qarshi qo’ydilar. Lekin u otasining o’rniga imperator bo’lib olgandan so’ng u ham investituradan vos kechishni xohlamadi. Genrix V o’z qirolligining oxirgi yillaridagina to’g’rirog’i 1122- yili papa Kallist o’rtasida Vorms konkardati deb nom olgan kelishuv shartnomasi imzolandi.

Kelishuvga binoan yepiskoplar ruhoniylar tomonidan saylanadigan bo’ldi. Shu bilan birga Germaniyada saylovlar imperatorning o’zi yoki uning vakillari ishtirokida o’tkaziladigan bo’ldi. Burgundiya va Italiyada esa yepiskop saylashda imperatorning ishtirok etishi ko’zda tutilmadi. Imperator papa bilan bo’lgan kurash vaqtida undan tortib olingan cherkov mulkini qaytarib berishga va'da qildi. Konkordatga muvofiq, investituraning o’zi ikki qismga bo’lindi – bir qismi cherkov investiturasi (uzuk va hassadan iborat), bo’lib, buni papa beradigan bo’ldi, ikkinchi qismi dunyoviy investitura (saltanat hassasidan iborat) bo’lib, uni imperator beradigan bo’ldi, imperator shu bilan o’zining yepiskoplar ustidan senorligini ta'kidladi. Biroq konkardat umuman olganda imperatordan ko’ra papalarga ko’proq foydali bo’ldi. Avvalo, imperator hokimiyatining yepiskoplarga ta'siri kamaydi. Cherkov yerlaridan imperatorga to’lanadigan soliqlar kamaytirilib, dunyoviy lenchilarning majburiyatlariga tenglashtirildi. Vorms konkardati oqibatida Germaniyadagi cherkov feodallari kuchaydilar, ular ham o’ziga xos muayyan hudud knyazlarga aylandilar. Bu esa keyinchalik imperatorlarning feodal tarqoqlikka qarshi kurashini qiyinlashtirar edi.