1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

Маълумотнома (Объективка) да қуйидаги маълумотлар мавжуд:
• фамилияси, исми, отасини исми;
• лавозими;
• туғилган кун, ой, йил
• туғилган жойи;
• маълумоти, илмий унвони, даражаси;
• махсус унвон;
• давлат мукофотлари ва идоравий мукофотлар;
• чет тилларини билиши;
• сайланадиган органларда иштирок этиши;
• иш тажрибаси;


ТЎҒРИ РЕЗЮМЕ ТУЗИШ ТАЛАБЛАРИ. РЕЗЮМЕ ТУЗИЛМАСИ.

Тўғри резюме тузишда қуйидаги жиҳатларга эътиборни қаратиш зарур:

1. 
   Саводхонлик – бу резюме тузишнинг зарурий ва муҳим жиҳатидир, чунки агар бу ҳужжатда имловий ва услубий хатоликларка йўл қўйилса, у охиригача ўқилмай ташлаб юборилиши ва умуман эътиборсиз қолдирилиши мумкин.
   
2. 
   Вакансия(бўш иш ўрин)га муносиблик – ҳозирга қадар орттирилган барча тажриба ва касбий кўникмаларни лўнда ҳолда кўрсата билиш.
   
3. 
   Резюмеҳажми – энг мақбули – 1-2 варақ. Касбий фазилатларни бир-икки сўзда таърифлашдан кўра, меҳнат фаолияти давомида орттирилган тажриба ва эришилган ютуқларни бир-икки варақда акс эттириш афзалроқдир.
   
4. 
   Тушунарли ва оддий тузилма – тўғри резюме тузишда иш қидирувчидан ўзи ҳақидаги маълумотлар ва касбий тажрибасини тушунарли ва оддий тарзда акс эттириш талаб қилинади. Амалиётда резюменинг ягона шакли мавжуд эмаслиги сабабли қуйида келтирилган ва тавсиявий характерга эга шаклидан фойдаланиш мақсадга мувофиқдир.
   

РЕЗЮМЕ ТУЗИЛМАСИ
Резюме тузилмаси қуйидаги бандлардан иборат:

1. 
   Резюме номи.
   

Бу бандда бир қаторда “Резюме” сўзи ва у кимга тегишлилиги акс эттирилади.

2. 
   Иш қидирувчи ҳақидаги маълумотлар.
   

Бу ерда қуйидаги маълумотлар акс эттирилиши зарур:

• 
  иш қидирувчининг туғилган вақти (йили, ойи, санаси);
  
• 
  манзили;
  
• 
  контакт телефони;
  
• 
  e-mail;
  
• 
  оилавий ҳолати.
  

3. 
   Маълумоти.
   

Барча маълумотлар тартибли акс эттирилади.
Масалан: Тошкент давлат юридик университети, 2016-2020 йй., юриспруденция (бакалавр).
Тошкент давлат юридик университети, 2020-2021 йй., ҳуқуқ (магистратура).
Вакансия (бўш иш ўрин) йўналишига мос келувчи барча курслар, тренинглар, семинарлар ва таълимга оид бошқа тадбирлар ҳам акс эттирилиши мумкин.

4. 
   Иш тажрибаси.
   

Бу устунда маълумотлар охирги иш жойидаги давр – ойи ва йили кўрсатилиб, эгаллаган лавозим номини акс эттиришдан бошланади. Масалан:
2019 йил март – 2020 йили март . МЧЖ “Gloria Distribution ”,
лавозим: юрист-маслаҳатчи.
2017 йил октябрь – 2019 йил февраль. МЧЖ “ Arhat Yoiding”,
лавозим: юрист ёрдамчиси.

5. 
   Аввалги иш жойидаги ютуқлар.
   

Бу устундаги маълумотлар энг аҳамиятли ҳисоблангани сабабли аввалги иш жойида эришилган барча ютуқ ва кўрсаткичлар акс эттирилиши лозим.

6. 
   Қўшимча маълумотлар.
   

Бу ерда иш қидирувчининг янги иш жойидаги вазифаларни тўла ва сифатли бажаришида ёрдам берувчи кучли томонлари, касбий кўникмалари ҳамда билимлари акс эттирилади. Одатда булар қуйидагилардир:

• 
  компьютер саводхонлиги, яъни компьютер ва махсус дастурларни билиш даражаси;
  
• 
  хорижий тилларни билиш даражаси;
  
• 
  шахсий автомобиль мавжудлиги ва уни бошқариш кўникмаси.
  

7. 
   Шахсий фазилатлар.
   

Бу устунда иш қидирувчининг фақатгина бўлажак ишига ёрдам берувчи фазилатлари кўрсатилиши мақсадга мувофиқ.

8. 
   Аввалги иш жойидан тавсияномалар.
   

Резюменинг охирида аввалги иш жойидаги раҳбарнинг тўлиқ исми-шарифи ва контакт телефони кўрсатилиши мақсадга мувофиқдир. Бу маълумотлар бўлажак иш берувчи ёки унинг вакилига иш қидирувчининг касбий маҳорати ва унга оид бошқа маълумотларни аниқлаб олиш учун керак.
Резюменинг энг охирида иш қидирувчи томонидан янги ишни бажаришга киришиш вақти ва ўзи умид қилаётган тахминий ойлик иш ҳақи миқдори кўрсатилиши мумкин.