1-mavzu: sotsial geografiyaning ob’ekti va predmeti reja

Rekreatsion mashg’ulot turlarini to’rtga bo’lish mumkin:
a) rekreatsion mashg’ulotlar yordamida davolanish;
b) sog’lomlashtiruvchi rekreatsion mashg’ulotlar;
v) sport bilan bog’liq rekreatsion mashg’ulotlar;
g) dam oluvchi ongi va tafakkurini boyituvchi mashg’ulotlar.
Rekreatsion mashg’ulotlar yordamida davolanish va sog’lomlashtiruvchi rekreatsion mashg’ulotlar oromgoh (sanatoriy)larning kun tartibiga ko’ra, yoki dam oluvchining o’z xohishiga ko’ra, quyosh nurida toblanish, balchiqli vanna qabul qilish, cho’milish, o’yinlar kabi mashg’ulotlar bilan band bo’lish kiradi. Sport bilan bog’liq rekreatsion mashg’ulotlar insonning jismoniy quvvatini oshirishga mo’ljallangan tadbirlarni jamlagan. Ularga suvda suzish, qoyalarga tirmashib chiqish kabi mashg’ulotlar kiradi. Dam oluvchining ongini va tafakkurini boyituvchi mashg’ulotlarga esa, yuqorida ta’kidlaganimizdek, muzeylar, yodgorliklar, kinoteatrlar, yarmarkalarga borish kabi mashg’ulotlarni o’z ichiga oladi.
Ilmiy adabiyotlarda rekreatsion faoliyatning turlicha tasniflash (klassifikatsiya) va guruhlashni kuzatish mumkin. Ularning asosida rekreatsion faoliyatning huquqiy maqomi, davomiyligi, hududiy belgilari, ishtirokchilar soni, ijtimoiy shart-sharoitlari, harakat darajasi kabilar uchraydi.
Rekreatsion faoliyat vazifa bajarishi va texnologiyasiga ko’ra, davolanish, sog’lomlashtirish va tanishuv kabilarga ajratiladi.
Davolanish va kurort rekreatsiyasi asosan davolanishning tabiiy omillariga ko’ra farq qiladi. Bu faktorlar: iqlim omillari, mineral buloqlar, malhamli balchiqlar kabilardir. Jumladan, O’zbekistonda shu kabi shifobaxsh suvlar keng tarqalgan. Ularning har biri shifobaxshlik xususiyatlariga ko’ra bir-biridan farq qiladi. Masalan, Respublika janubidagi “Omonxona”, “Anjir Ota” suvlari shular jumlasidandir. Biroq, bu maskanlarga kurort darajasida baho berib bo’lmaydi, ya’ni sobiq Ittifoq davrida Kavkaz hududidagi mineralli suvlar bo’lishi bilan birga, dengiz va tog’li mintaqalarning yaqinligi, bu hududlarni kurort darajasiga olib chiqqan edi. Ammo, yurtimizdagi SHohimardonsoy, Norin, Xumsan, Xonjiza kabi tog’li mintaqalar o’zining tabiati bilan o’ziga xos ahamiyatga ega.