1-Mavzu. Qurilishning respublika iqtisodiyotida tutgan o‘rni

Инвестицияларнинг такрор ишлаб чиқариш тузилмаси янги қурилишларга қилинаётган харажатлар билан, фаолият юритаётган корхонани реконструкция қилиш, кегайтириш ва техник қайта қуроллантириш ҳаражатлари орасидаги шунингдек, асосий фондларни эскириши сабабли чиқарилишини қоплаш харажатлари ўртасидаги ўзаро нисбатни ўзида акс эттиради.
Тармоқлараро тузилма халқ хўжалигининг асосий тармоқлари ўртасида ва уларни ичида инвестицияларнинг тақсимланишини фоизларда акс эттиради.
Худудий тузилма. Инвестицияни худудий тузилмаси капитал қўйилмаларни вилоятлар, шаҳарлар ва республиканинг районлари бўйича тақсимланишини кўрсатади.
Умумий иқтисодий самарадорлик самаранинг капитал қўйилмаларининг қийматига ёки ишлаб чиқариш фондларининг қийматига нисбати орқали аниқланади.
Қиёсий (солиштирма) иқтисодий самарадорлик қўйилмаларни қуйишда бир вариантнинг иккинчисидан қанчалик самарали эканлигини таққослаш ва аниқлаш йўли билан ҳисобланади.
Даромадлиликнинг ички меъёри (даромадлилик индекси) - инвестиция лойиҳаларининг турли вариантларини қиёсий баҳолашда қўлланиладиган кўрсаткич. Бу кўрсаткич Е_ич дисконт меёъридан (ставкасидан) иборат бўлиб, келтирилган самаралар қиймати келтирилган капитал қўйилмалар қийматига тенг бўлади.
Дисконтлаш - турли йиллардаги ҳаражатларни қиёсий (вақт бўйича) кўринишга келтириш. Объект қурилиши жараёнида турли йилларда (t) сарфланган маблағларни (K) йил бошига (t₀) ёки йил оҳирига (T) келтириш.
Инвестиция лойиҳанинг тижорий самарадорлиги - лойиҳани амалга оширишнинг унинг бевосита иштироқчилари учун қандай молиявий оқибатларга олиб келишини акс эттиради. Талаб қилинган даромад меъёрини таъминловчи молиявий ҳаражатлар ва натижаларнинг нисбати сифатида аниқланади. Самара сифатида инвестиция ва операцион фаолиятдан келадиган ва лойиҳани амалга оширишнинг ҳар бир давридаги (ҳисоб-китоб босқичи - ой, чорак, йил) пул маблағларининг кирими ва чиқими ўртасидаги тафовутдан иборат реал пул оқимларидан фойдаланилади. Инвестиция лойиҳасини қабулқилиш мезони - иштироқчиларнинг ҳар бири пул сарфлайдиган ёки даромад оладиган ҳар қандай вақт оралиғидаги реал пулларнинг мусбат сальдосидир.