1-Mavzu. Qurilishning respublika iqtisodiyotida tutgan o‘rni

Қисқа хулосалар
Капитал қўйилмалар – бу ишлаб чиқарилаётган маҳсулотнинг сифати, корхонани техник даражасини ошириш, илмий-техник тараққиётини тезлаштириш, иқтисодиётини замонавийлаштириш ва ишлаб чиқаришга замонавий меҳнат куролларини тадбик этишда асосий манба ҳисобланади.
Капитал қўйилмаларнинг ишлаб чиқариш ва ноишлаб чиқариш турлари мавжуд. Капитал қўйилмаларнинг ишлаб чиқариш турлари янги иш жойларини жорий қилиш, талаб кўп бўлган товарлар ишлаб чиқарилишини кўпайтириш ва бозорга олиб чиқишни таъминлайди.
Иккинчи тури эса ижтимоий-иқтисодий шароитларни яхшилаш, ноишлаб чиқариш инфратузилмасини ривожлантириш, қишлоқ ва шаҳарларни ободонлаштиришда қўлланилади.
Инвестицияларнинг таркиб ва тузилмаси улар киритилган соҳа ёки тармоқга қараб фарқ қилади, ҳамда қўйилган объектга қараб «актив» ёки «пассив» характерга эга бўлади.
Капитал қўйилмалар самарадорлигини баҳолаш турли усуллар билан аниқланади, лекин умуман олганда улар нисбатан фойдалироқ (самарадор) инвестиция вариантларини баҳолашга, аниқлашга йўналтирилган бўлиши керак.
Замонавий бозор иқтисодиёти ижтимоий ишлаб чиқаришни бошқаришнинг барча даражаларида инвесторларни ўз маблағларидан рационал ва самарали фойдаланишга имкониятларини қидиришга йуналтиради.
Мавзу бўйича таянч иборалари
Инвестициялар самарадорлиги. Капитал қўйилмалар иқтисодий самарадорлигини аниқлашнинг методикаси. Инвестициянинг технологик тузилмаси. Инвестицияларнинг такрор ишлаб чиқариш тузилмаси. Тармоқлараро тузилма. Худудий тузилма. Капитал қўйилмаларни иқтисодий самарадорлигини аниқлайдиган асосий тамойиллар. Умумий иқтисодий самарадорлик. Қиёсий (солиштирма) иқтисодий самарадорлик. Келтирилган ҳаражатлар. Капитал қўйилмаларнинг самарали йуналтириш.
Изоҳли луғат
Инвестициянинг технологик тузилмаси – бу қурилиш-монтаж ишларини бажариш, асбоб-ускуналар, машиналар ва бошқа меҳнат воситаларини сотиб олиш ҳамда лойиҳавий-қидирув ишларини амалга ошириш бўйича харажатларнинг ўзаро фоизлардаги нисбатидир.