1-мавзу. МҲхс бўйича молиявий ҳисоботлар Д. М. Маткаримов

Молиявий ҳисоботнинг сифат тавсифлари

Молиявий ҳисоботнинг сифат тавсифлари - бу молиявий ҳисоботда тақдим этиладиган маълумотни фойдаланувчи учун фойдали қиладиган тавсифлар (хусусиятлар)дир

Молиявий ҳисоботнинг концептуал асослари эски таҳририда сифат тавсифининг тўртта: тушунарлилик ва қиёсийлик (молиявий ҳисоботни тақдим қилишга тегишли), ҳамда ўринлилик ва ишончлилик (молиявий ҳисобтнинг таркибига тегишли) хусусиятлар ажратиб кўрсатилган.

Янги таҳрирда сифат тавсифлари иккита блокка “Фундаментал сифат тавсифлари” ва “Фойдалиликни оширувчи сифат тавсифларига” ажратилган.

Молиявий ҳисоботнинг сифат тавсифлари

Фундаментал сифат тавсифларига ўринлилик ва Ишончли тақдим этиш ҳисобланади

Ўринлилик

Бу сифат қарор қабул қилишда фойдаланувчилар этиёжларига даҳл қилади. Ўринли ахборот фойдаланувчилар томонидан қабул қилинадиган қарорга таъсир кўрсатиш хусусиятига эга бўлади. Молиявий ахборотнинг қарорга таъсир кўрсатиш хусусияти унинг келажакдаги ҳодисаларни баҳолаш ёки тасдиқлаш қиймати ёки иккала ҳам тавсифга эга бўлишини билдиради.

Молиявий ахборотнинг келажакдаги ҳодисаларни баҳолаш қийматига эга бўлиши унинг келажакдаги натижаларни олдиндан башоратлаш учун ишлатилади. Молиявий ахборот олдинги баҳоларни тасдиқлаш ёки ўзгартириш учун ишлатилса тасдиқлаш қийматига эга ҳисобланади

Молиявий ҳисоботнинг сифат тавсифлари

Ишончли тақдим этиш

Фойдали бўлиши учун, маълумот хўжалик юритувчи субъектнинг молиявий аҳволи, операциялар натижалари, пул маблағлари ҳаракати тўғрисида ишончли тасаввур яратиши керак.

Ишончли тақдим этиш – тўлиқ, холис ва аниқ (хатолардан холи) бўлиши лозим.

Ахборот фойдали бўлиши учун ўринли ва ишончли тақдим қилиниши лозим. Ўринли бўлмаган ишончли тақдим қилинган ахборот ҳам, ўринли бўлган ишончли тақдим қилинмаган ахборот ҳам фойдаланувчининг тўғри қарор қабул қилишига ёрдам бера олмайди.

Молиявий ҳисоботнинг сифат тавсифлари