1-мавзу. МҲхс бўйича молиявий ҳисоботлар Д. М. Маткаримов

БҲХС (IAS) 1 “Молиявий ҳисоботларни тақдим этиш”

Мақсади:

Ушбу стандарт умумий фойдаланиш учун мўлжалланган молиявий ҳисоботларни тақдим этиш асосини тадбиркорлик субъектининг олдинги даврлардаги молиявий ҳисоботлари ҳамда бошқа тадбиркорлик субъектларининг молиявий ҳисоботлари билан қиёсланувчанликни таъминлаш мақсадида белгилайди. У молиявий ҳисоботларни тақдим этишга нисбатан умумий талабларни, уларнинг тузилишига оид кўрсатмаларни ҳамда уларнинг мазмунига доир минимал талабларни ўрнатади.

БҲХС (IAS) 1 “Молиявий ҳисоботларни тақдим этиш”

Қўллаш доираси:

Тадбиркорлик субъекти ушбу стандартни умумий фойдаланиш учун мўлжалланган молиявий ҳисоботларни Молиявий ҳисоботнинг халқаро стандартларига (МҲХСлари) мувофиқ тайёрлашда ва тақдим этишда қўллаши лозим.

Ушбу стандартда фойда олишни кўзлайдиган тадбиркорлик субъектларига, жумладан давлат секторидаги тижорат тадбиркорлик субъектларига, нисбатан тўғри келадиган атамалар қўлланилади. Агар хусусий сектордаги ёки давлат секторидаги нотижорат фаолиятини амалга оширадиган тадбиркорлик субъектлари мазкур стандартни қўлласа, улар томонидан молиявий ҳисоботлардаги маълум моддаларининг ҳамда молиявий ҳисоботларнинг номланиши ўзгартирилиши зарур бўлиши мумкин.

БҲХС (IAS) 1 “Молиявий ҳисоботларни тақдим этиш”

Атамалар:

Умумий фойдаланиш учун мўлжалланган молиявий ҳисоботлар (“молиявий ҳисоботлар” деб аталади) – бу шундай фойдаланувчиларнинг ахборотга бўлган талабларини қондиришга қаратилган молиявий ҳисоботларки, бундай фойдаланувчилар уларнинг ахборотга бўлган махсус талабларига мослаштирилган ҳисоботларни тадбиркорлик субъектидан талаб қила олмайди.

Имкони йўқ – Талабни бажаришни (қўллашни) имкони бўлмайди, қачонки тадбиркорлик субъекти талабни бажариш учун барча оқилона ҳаракатларни қилиб кўрганидан кейин ҳам уни бажара (қўллай) олмаган бўлса.

БҲХС (IAS) 1 “Молиявий ҳисоботларни тақдим этиш”