1-mavzu. Iqtisodiyot nazariyasi fanining predmeti va bilish usullari

Takrorlash uchun savollar va topshiriqlar
1. Bozor iqtisodiyotining mazmuni va asosiy belgilari nimalardan iborat? 
2. Klassik va hozirgi zamon bozor iqtisodiyotining umumiy tomonlarini va farqlarini 
tushuntirib bering. 
3. Bozor iqtisodiyotining afzalliklari va ziddiyatlari nimalardan iborat? 
4. Bozor iqtisodiyotining asosiy ishtirokchilari kimlar va ular oʻrtasidagi iqtisodiy 
aloqalar qay tarzda kechadi? 
5. Bozor tushunchasining ta’rifini bering va uning asosiy vazifalarini koʻrsating. 
6. Bozorni turkumlashda qanday mezonlar asos qilib olinadi? Ularni sanab koʻrsating. 
7. Yetuklik darajasiga qarab bozorning qanday turlari ajratiladi? 
8. Bozor infratuzilmasi nima? Uning tarkibiy qismlari va asosiy unsurlariga ta’rif bering. 
6-MAVZU. BOZOR IQTISODIYOTIGA OʻTISH DAVRI VA UNING
OʻZBEKISTONDAGI XUSUSIYATLARI
Bozor iqtisodiyotiga oʻtish uchun maxsus oʻtish davri zarur boʻlib, bu davrning mazmuni 
va asosiy belgilarini koʻrib chiqish maqsadga muvofiq hisoblanadi. Bu mavzuda oʻtish davri 
nazariyasi, xususan bozor iqtisodiyotiga oʻtish yoʻllari bayon qilinadi. Shuningdek, 
Oʻzbekistonda bozor iqtisodiyotiga oʻtishning tamoyillari va xususiyatlari, respublikada bozor 
islohotlarini amalga oshirishning mazmuni, maqsadi va asosiy yoʻnalishlari koʻrsatib beriladi. 
Mavzu bozor munosabatlariga oʻtish, iqtisodiyotni erkinlashtirish va islohotlarni 
chuqurlashtirish jarayonida makroiqtisodiy barqarorlikka erishish, strategik vazifalarni amalga 
oshirish yoʻllarini tahlil qilish bilan yakunlanadi. 
1. Oʻtish davrining mazmuni. Bozor iqtisodiyotiga oʻtish yoʻllari
Bozor iqtisodiyotiga oʻtish davrining umumiy mazmuni iqtisodiy munosabatlarning 
alohida unsurlarini isloh qilish yoki iqtisodiy siyosatga tuzatishlar kiritish emas, balki butun 
iqtisodiy munosabatlar tizimini oʻzgartirishdan iboratdir. 
Bozor iqtisodiyotiga oʻtish davri – ma’muriy-buyruqbozlik tizimini bartaraf etish