1-mavzu. Iqtisodiyot nazariyasi fanining predmeti va bilish usullari

3. Agrosanoat integratsiyasi va uning asosiy koʻrinishlari
Iqtisodiy rivojlanish jarayonida qishloq xoʻjaligi 
hamma vaqt sanoat, savdo va boshqa tarmoqlar bilan mustahkam bogʻliq boʻlib kelganligini hisobga 
olish kerak. CHunki mamlakatning oziq-ovqat mahsulotlariga va qishloq xoʻjalik xom-ashyosidan 
tayyorlangan tovarlarga boʻlgan ehtiyojlarini qondirish faqat qishloq xoʻjaligining holatiga emas, balki 
sanoat tarmoqlari bilan uygʻun rivojlanishiga ham bogʻliq boʻladi. Xuddi ana shu holat iqtisodiyot 
tarkibida agrosanoat majmuasini bitta pirovard natijani roʻyobga chiqarishga boʻysundirilgan 
tarmoqlarning yagona, yaxlit tizimini keltirib chiqarish uchun asos boʻladi. 
Agrosanoat integratsiyasi – qishloq xoʻjaligi bilan unga xizmat qiluvchi va
mahsulotni iste’molchiga yetkazib beruvchi tutash tarmoqlar oʻrtasida ishlab chiqarish
aloqalarining rivojlanishi hamda ularning uzviy birikish jarayonidir.
Agrosanoat integratsiyasi koʻp 
qirrali boʻlib, u gʻoyat xilma-xil shakllarda namoyon boʻladi. Bular eng avvalo ana shu jarayon qaysi 
darajada, ya’ni butun mamlakat koʻlamidami, viloyat doirasi yoki korxona darajasidami yuz berishiga 
bogʻliq. Butun mamlakat va mintaqalar koʻlamida agrosanoat integratsiyasi qishloq xoʻjaligining 
tarmoqlararo aloqalari kuchayishida, xalq xoʻjaligi oziq-ovqat (tarmoq) va mintaqa agrosanoat 
majmualari tashkil boʻlishi va rivojlanishida ifodalanadi. 
Agrosanoat majmuasi (ASM) – bu qishloq xoʻjalik mahsulotlari yetishtirish, uni
saqlash, qayta ishlash va iste’molchilarga yetkazib berish bilan shugʻullanuvchi iqtisodiyot
tarmoqlaridir. 
ASM toʻrtta sohani oʻz ichiga oladi. 
Birinchi soha 
– qishloq xoʻjaligiga ishlab chiqarish 
vositalari yetkazib beradigan sanoat tarmoqlari, Shuningdek, qishloq xoʻjaligi ishlab chiqarishiga texnika 
xizmati koʻrsatish bilan band boʻlgan tarmoqlar;