|
Транспортда
хавфсизликни
таъминлаш
хизматларининг
терроризм ва диний экстремизмга қарши курашиш борасидаги
вазифалари қуйидагилардан иборат:
республикамиз ҳудудидаги барча аэропортлар ва темир йўл
вокзаллари ҳамда уларга яқин фуқаролар гавжум бўлган ҳудудларда
террорчилик ва қўпорувчилик ҳаракатлари содир этилишининг
олдини олиш, ўз вақтида аниқлаш ва тезкор-профилактик ҳамда
огоҳлантирув тадбирларини ўтказиш;
республика ҳудудига чегара орқали қурол-яроқ, ўқ-дори,
портловчи моддалар, турли диний мазмундаги адабиѐтлар, варақалар,
электрон воситалар ва гиѐҳвандлик моддаларни олиб киришга
уринаѐтган шахсларни аниқлашга қаратилган тезкор тадбирларни
ташкил қилиш;
давлат аҳамиятига эга махсус, ўта муҳим тоифаланган объектлар,
темир-йўл ва ҳаво транспорти ҳамда алоқа коммуникация
воситаларини йўқ қилиш мақсадида террорчилик ташкилотлари
338
томонидан портловчи моддалар ва портловчи қурилмалар ѐрдамида
содир этишлари мумкин бўлган террорчилик актларнинг олдини
олишни зудлик билан аниқлаш ва чораларини кўриш;
транспортда хавфсизликни таъминлаш хизматлари ва қуйи
таркибий тузилмалар, ҳудудий ички ишлар органлари билан
ҳамкорликда ҳаво ва темир йўл объектларида хизмат олиб бораѐтган
ходимларнинг масъулиятини ошириш мақсадида «муляж» махсус
ўқув машғулотларини ўтказиш;
республика ҳудудида террорчилик ва қўпорувчилик ҳаракатлари,
шунингдек, экстремизм, сепаратизм ва фундаментализм гуруҳлари,
норасмий ташкилот ва партиялар ҳамда ноисломий тузилмалар
вакиллари томонидан ижтимоий-сиѐсий таҳдид солувчи элементларга
қарши курашишни кучайтириш;
террорчилик ва қўпорувчилик ҳаракатларини содир этиш
мақсадида «худкушлик» тайѐргарликдан ўтган шахслар тўғрисида
тезкор маълумотлар олишни ташкил этиш, айниқса, махсус ҳисобда
турган ҳамда узоқ муддатга бошқа давлатларга бориб келган
шахсларни синчковлик билан қамровга олиш ва фуқаролигини
аниқлашга қаратилган тезкор тадбирларни ўтказиш;
республикамизга қўшни ҳудудлардан террорчилик ташкилотлари
ва экстремистик гуруҳлари кириб келишининг олдини олиш ҳамда
ижтимоий-сиѐсий аҳвол ва тезкор вазият тўғрисида маълумотлар
тўплаш;
махсус қидирувда бўлган фуқароларнинг республикамиз
ҳудудидан чиқиб кетишлари ѐки халқаро қидирувда бўлган
фуқароларнинг кириб келишининг олдини олишга қаратилган тезкор
тадбирларни олиб бориш.
Транспортда
хавфсизликни
таъминлаш
хизматларининг
транспорт инфратузилмаларида содир этиладиган ҳуқуқбузарликлар
профилактикаси ҳамда фуқароларнинг шахсий хавфсизлигини
таъминлаш йўналишидаги вазифалари қуйидагилардан иборат:
ҳудудий ички ишлар органлари билан ҳамкорликда барча
транспорт инфратузилмалари билан боғлиқ ҳолатларни таҳлил қилган
339
ҳолда ҳуқуқбузарликларнинг содир этилишига имкон берадиган
сабаблар ва шарт-шароитларни ўрганиш ҳамда бартараф этиш, фош
этилмаган жиноят ва бошқа қонунбузарлик ҳолатларининг фош
этилиши бўйича аниқ
тезкор-профилактик тадбирларни амалга
ошириш;
Ўзбекистон Республикаси Вазирлар Маҳкамасининг «Ўзбекистон
Республикаси ҳудудида лазерли нур тарқатгичларни ишлатишни
тартибга солиш чора-тадбирлари тўғрисида»ги (2013 йил 20 февраль)
қарори талабларидан келиб чиққан ҳолда Ўзбекистон Республикаси
ҳаво кемаларига «Лазер» нурлари туширилишининг олдини олишга
қаратилган тезкор-профилактик тадбирларни олиб бориш ҳамда
мазкур ҳолатлар аниқланган тақдирда ҳудудий ИИВ-ИИББ-ИИБлар
билан ҳамкорликда ҳуқуқбузарликни содир этган шахсни аниқлаш ва
жавобгарликка тортиш чораларини кўриш;
жиноятлар, маъмурий ҳуқуқбузарликлар, шунингдек, шахс ѐки
жамият хавфсизлигига таҳдид солувчи ҳодисалар ҳақидаги ариза,
хабар ва бошқа маълумотларни қабул қилиш, уларни ўз вақтида
қонунда назарда тутилган тартибда кўриб чиқиш;
транспортда юк ва йўловчи ташиш, шунингдек, транспорт
иқтисодиѐти соҳасида содир этиладиган жиноятларнинг олдини олиш
ва уларга чек қўйиш мақсадида оператив қидирув фаолиятини ташкил
қилиш;
темир йўлларга яқин жойлашган аҳоли масканларида, корхона ва
ташкилотларда, таълим-тарбия муассасаларида, маҳаллий ҳокимият
ва бошқа жамоат ташкилотлари билан ҳамкорликда транспорт
инфратузилмаларида рўй бераѐтган ҳуқуқбузарликлар ва бахтсиз
ҳодисаларнинг олдини олишга қаратилган профилактик ва
огоҳлантирув чора-тадбирлари юзасидан тарғибот ва ташвиқот
ишларини ўтказиш;
фуқароларнинг ҳаѐти, соғлиғи, ҳуқуқ ва эркинликларини жиноий
ва бошқа ғайриқонуний тажовузлардан ҳимоя қилиш;
жиноятлар, маъмурий ҳуқуқбузарликлар ва бахтсиз ҳодисалардан
жабрланган, шунингдек, ожиз аҳволда ѐки ҳаѐти ва соғлиғи учун
340
хавфли бошқа ҳолатларда бўлган фуқароларга ўз ваколатлари
доирасида ѐрдам бериш;
авариялар, ҳалокатлар, ѐнғинлар, табиий офатлар ва фавқулодда
ҳодисалар юз берганида ички ишлар органларининг бошқа соҳалари
билан биргаликда одамларни қутқариш ва уларга биринчи тиббий
ѐрдам кўрсатиш, шунингдек, ҳодиса жойи ҳамда назоратсиз қолган
мулкни қўриқлаш бўйича кечиктириб бўлмайдиган чоралар кўриш;
транспорт магистраллари, станциялар, вокзаллар, поездлар,
аэропортлар ва ҳаво кемаларида жамоат тартибини сақлаш ва
хавфсизлигини таъминлаш;
қонунга мувофиқ, темир йўл ва ҳаво транспортининг ҳарбий-
лашган қўриқлаш бўлинмаларига ўқотар қурол ва ўқ-дориларни олиш
(сотиб олиш), сақлаш, олиб юриш ва ташиш учун рухсатномалар
бериш;
тинчлик вақтида фавқулодда ҳолатлар ва ҳодисалар юзага
келганида ҳамда уруш вақти шароитларида фуқаролар ҳимояси
тадбирларини бажариш, бўйсунувчи бўлинмаларнинг барқарор
фаолият кўрсатиш қобилиятини ошириш борасида чора-тадбирлар
мажмуини ташкил қилиш ва амалга ошириш;
қонунга мувофиқ Ўзбекистон Республикаси ҳудудида, жумладан,
айрим махсус жойларда фавқулодда ѐки ҳарбий ҳолат жорий
этилганида ушбу ҳолатнинг ҳуқуқий тартибини таъминлашда
иштирок этиш;
фуқаролар ҳимояси бўйича сафарбарлик топшириқлари ҳамда
вазифаларни бажариш учун чора-тадбирлар мажмуини ташкил қилиш
ва амалга ошириш;
транспортда хавфсизликни таъминлаш хизматлари ваколатига
кирувчи маъмурий ҳуқуқбузарликларга доир ишларни юритиш;
ушланган ва қамоққа олинган шахсларни қўриқлаш, конвой
қилиш ва сақлаб туриш;
аэрофлот корхоналари билан биргаликда фуқаро ҳаво кемалари
йўловчиларининг қўлларидаги ва бошқа юкларини кўздан кечириш,
зарур бўлганида йўловчиларни шахсий кўрикдан ўтказиш.
341
Амалдаги норматив-ҳуқуқий ҳужжатларга мувофиқ, транспортда
хавфсизликни таъминлаш хизматлари зиммасига юклатилган
вазифалар ижроси бўйича қуйидаги функцияларни амалга
оширадилар:
Do'stlaringiz bilan baham: |
