1 Мавзу. Халқаро менежмент фанининг назарий асослари

10.3. Менежернинг уч тоифадаги шахс талабларини ҳисобга олиш зарурияти
Харидорлар, маъмурий органлар, бўйсунувчилар талабларига юқори эътибор билан қараш ва тўғри, адолатли ва қонуний бўлганда имконият борича уларни бажариш зарур. Бунда қўйилаётган талаблардан қатъий назар қуйидагиларни яшириш одобсизликдир:
А) акциядорлардан – акциядорлик жамиятини қўшилиши ёки ютилишининг ҳақиқий сабабларини;
Б) бўшатилаётган ходимлардан – штатнинг қисқартирилиши сабабларини.
Кўрсатилган уч тоифа шахслари талаблари бўйича қарор қабул қилинаётган ҳар қандай вазиятда халқаро менежер компаниянинг ижтимоий маъсулиятидан келиб чиқиши керак. У эса бир томондан хўжалик самарасига эришишга, бошқа томондан эса қабул қилувчи мамлакатда компания учун қулай ижтимоий фикрни яратиш заруриятига асосланади.
XXI асрда халқаро бизнес учун улкан истиқболлар очилмоқда. Самарали тадбиркорлик фаолияти билан шуғулланмокчи бўлганлар учун бизнесменларнинг миллий ассоциацияси хулқ-атвор қоидаларини ишлаб чиқадилар. Улар эса эркин бозор ва умумқабул қилинган тадбиркорлик амалиётининг “таянч - ҳаракат тизими” ни ташкил этади. Кўпинча бу қоидаларнинг услубий негизини “аҳлоқ кодекси” ташкил этиб, уларни ишлаб чиқиш бўйича Халқаро савдо палатаси (ХСП) 80 йиллик тажрибага эга. Уларга ҳуқуқий қуролларнинг умумий тўплами, интеллектуал мулкни ҳимоя қилиш усуллари, таъмагирлик ва порахўрликка қарши кураш усуллари, самарали солиққа тортиш механизмларини яратиш, божхона режимини такомиллаштириш бўйича тавсиялар, тижорат баҳсларини арбитраж орқали ҳал қилиш тажрибаси киради.

1 (ЕИга 27 та мамлакат киради)