1-мавзу: фалсафа фанининг предмети, мазмуни ва жамиятдаги роли режа

Биринчидан; жамиятнинг ўта догматик дунёқарашга эга эканлиги. Шу сабабдан инновацион фикрлийдиган кадрлар жуда кам.
Иккинчидан; жамият қабул қилган урф-одатлар ҳамда қонун қоидаларнинг мантиққа хос эмаслиги. Шу сабабдан туй ва мотам маросимларни, иқтисоддаги айрим мантиқсизликлар, қонунчиликдаги мантиқсизликларга қарши курашиш масаласини давлатимиз раҳбари бош мақсад қилиб қўйди.
Учинчидан; коррупция масаласида биз жаҳон рейтингида салбий томондан юксак марраларга эришаётганлигимиз (158-ўрин жаҳонда порахурлик буйича) ҳам айнан фалсафани структураси бўлмиш этика (ахлоқ) масаласида муаммоларимиз борлигидан далолат беради.
Тўртинчидан; аксиология (қадрият) масаласида ҳам вазият мақтагулик эмас. Четдан кириб келаётган қадриятимизга зид элементларга ёшларнинг кўр-кўрона эргашиши ҳам айнан фалсафий муаммодир
Бешинчидан; Жамиятимизда танқидий дунёқарашнинг етишмаслигидан ҳар доим лавозими биздан баландроқ инсонга туғридан-туғри тақлид қилиш ва ёки сўзсиз итоат қилиш (нотуғри қарор бўлса ҳам). Бу ҳам фалсафанинг танқидий (скептикча) функциясининг ишламаётганлигидан далолат беради.
Олтинчидан; Инсонпарварлик функция ҳам ўз ишини аъло даражада амалга оширолмаяпти. Шу сабабдан инсоннинг инсонга бўлган эътибори қолаверса раҳбарнинг ходимга бўлган муносабати ҳамин қадар бўлиб турибди...
Еттинчидан; Социал функциясига тегишли бўлмиш жамиятнинг ҳамжиҳатлиги ва ёки бирлиги масаласида ҳам биз кўпчилик жамиятлардан ортдамиз. Қолаверса жамиятимиз экзитенциал муаммолардан бири бўлмиш “бегоналашув” жараёнини бошидан ўтқазаётганлиги ҳеч биримизга сир эмас.
Саккизинчидан; эстетик ҳолатимиз ҳам мақтагулик эмас. Чунки гўзаллик масаласида биз ўз мустақил фикримизга эга эмаслигимиз ҳам жиддий фалсафий муаммолардан бири аслида...

Ушбу курсни ўтиш жараёнида биз сизлар билан юқоридаги ва бошқа муаммоларни ўрганамиз ва муносабат билдирамиз. Бу курс юқоридаги камчиликларни бартараф этиш учун ҳам ўтилади аслида.

Саволлар

1. 
   Сиз танлаган соҳага фалсафий тафаккур қанчалик керак деб уйлайсиз?
   
2. 
   Фалсафанинг жамият ҳаётида тутган роли ҳақида қандай фикрдасиз?
   
3. 
   Материализм ва идеализм ҳақида нималарни билиб олдингиз ва сиз уларнинг қайси бирига қўшилган булар эдингиз?
   
4. 
   Сиз агностик ва ёки гностикмисиз?
   
5. 
   Сиз ўзингизни скептик тафаккуурга эга деб уйлайсизми?
   
6. 
   Догматизм ҳақида қандай фикрдасиз?
   
7. 
   Сиз субстанцияни қандай тасаввур қиласиз сизнингча у моддийми ва ёки номоддий?
   
8. 
   Сизнинг дунёқарашингиз юқорида кўрсатиб ўтилган дунёқараш шаклларининг қайси бирига кўпроқ мос келади?
   
9. 
   Сизнинг ҳаётингизда “миф” қанчалик ўринга эга?
   
10. 
    Диний дунёқараш ҳақида нималар дея оласиз?
    
11. 
    Ҳозирда қайси дунёқараш шакли инсоният тафаккурида доменантлик (устунлик) қилмоқда деб уйлайсиз
    

(Биринчи мавзу буйича ўтказиладиган амалий машғулотга талабалар юқоридаги саволларга юзма равишда жавобларни тайёрлаб борсалар мақсадга мувофиқ бўлади.)