1-мавзу. Боғловчи моддалар р е ж а

Шлакдаги Аl₂О₃ фаоллигини оширадиган бирикмалар ҳосил қиладилар. Кремний оксиди SiО₂ шлакдаги миқдори портландцементга нисбатан кўпроқ, улар совутилганда кристалланмайди ва шиша кўринишида қотиб қолади. Fе₂О₃– шлакда кам бўлади ва гидравлик хоссасига таъсир кўрсатмайди. МnО нинг миқдори 2 – 4% дан ошиши мумкин эмас, чунки у шлакни (фаоллигини) пасайтиради.
Оддий шароитларда сув билан бирикишида деярли домна шлаклари фаоллигини кўрсатмайдилар ва қотмайдилар. Аммо тадқиқотлар шуни қўрсатдки шлаклардаги кристал ёки шишасимон фазаларидаги моддаларга механиқ, кимёвий ва иссиқлик омиллар таъсир эттирса улар сув билан таъсирлашади ва гидравлик қотишга қобилияти ошади. Натижада янги, сувда эриймадиган моддалар ҳосил қилинади. Хусусан, геленит – 2СаО, Аl₂О₃, SiО₂– оддий ҳароратда инерт бўлиб Са(ОН) таъсирида сув билан оддий шароитларда қотувчи маҳсулотлар ҳосил қилади.
Окерманит - 2CаО, MgO, 2 SiО₂ оддий шароитда ва нейтрал муҳитда гидратацияга қодир эмас, аммо Са(ОН)₂ таъсирида у С–С–Н(II) ҳосил қилиб гидратланади.
Одатда, ишқорий фаоллаштирувчилар сифатида оҳак ва портландцемент қўллашади, улар сув билан таъсирлашувида Са(ОН)₂ ни ажратади.
Сулфат фаоллаштирувчилар сифатида – гипс ёки ангидрид қўлланади.
Асосий домна шлаклари 44 – 48% СаО, 35 – 38% SiО₂ 5 – 10% Аl₂О₃лардан иборат. Булар 5 – 10% оҳак ёки портландцемент таъсирида ишқорли фаоллашишга дуч келадилар ва паст асосли гидросиликатлар ҳосил қилишга олиб келади. Ҳар хил таркибли шлакли шишаларни гидравлик фаоллиги иссиқлик ишловида кескин ошади.
Гранулланган электротермофосфор шлаклари фосфатли минерал хом ашёлар – фосфоритлар ва апатитларни – оддий фосфор ажратиб олиш учун уларга электротермик ишлов беришда ҳосил бўладиган қўшимча маҳсулотлардир. 1т фосфордан – 10 – 12т шлаклар ҳосил бўлади ва улар қуйидагилардан иборат СаО–MgO йиғиндиси 80 – 85%. Электротермофосфор шлаклар шлакопортландцемент ишлаб чиқаришда ишлатилади. Бу шлакларда қуйидагилар бўлиши керак:
SiО₂– 38% дан кам эмас
СаО MgO – 43% дан кам эмас
Р₂0₅ – 2,5% дан кўп эмас
Улар кукунсимон тошкўмирни 1500 – 1700⁰С да ёқишда ҳосил бўлади. Уларнинг минералли қисмини ўтхонадан эриган шлак кўринишида чиқариб олинади ва сувда гранулланади. Улар асосан шаффоф кислотали ферроалюминосиликат шишадан иборат бўлади. Таркибида 85 – 92% гача SiО₂, Аl₂О₃, Fe₂О₃ мавжуд. Булар бир хил кимёвий ва фазовий таркибга эгадир. Ёнилғи гранулланган шлаклардан тайёрланган боғловчилар автоклавда қотишда гидрогранат, мураккаб таркибли бирикмалар ҳосил қилиб қотади.
Боғловчи моддалар учун мўлжаланган шлаклар кескин сув; буғ, ҳаво билан совутилса уларни фаоллиги ошади.
Замонавий металлургия заводларида грануллашни иккита усулини қўллашади – хўл ва қуруқ. Хўл усулда қайноқ суюқ шлаклар сувли бассейнга қуйилади. Бассейнлар домна печларнинг ёнида жойлашган бўлиб, уларнинг сиғими 450 – 800м³ ва тўрт бурчакли бетон резервуар кўринишда бўлади ва хўл грануллашда 1т шлакни совутишга 2 – 2,5м³ сув сарфланади. Аммо бу усулни камчиликлари бор: олинган шлаклар юқори намликка 20 – 30% эга бўладилар, қуруқ усулда грануллаш барабанли, энг кўп қўлланиладиган сув билан зарб берувчи асбобларда ўтқазилади. Бу ҳолда сув сарфи 1 тонна шлакга 2-2,5 м³сарфланади, гранулланган шлакнинг намлиги 4-7% ташкил қилади. Гранулланган шлаклар билан аралаштирилган шлакли боғловчи моддалар шлакопортландцемент ишлаб чиқаришда қўлланади.