1-mavzu: Birinchi jahon urushidan keying davrda Xitoy. Reja

3. Jahon iqtisodiy inqirozi yillarida Germaniya. Fashizmning hokimiyat tepasiga kelishi.
Boshqa kapitalistik mamlakatlar qatorida Germaniyada ham iqtisodiy inqiroz boshlandi. Iqtisodiy inqiroz va reparatsiya to‘lovlari mehnatkashlarning ahvolini juda ham yomonlashtirib yubordi. Ishsizlar soni 1932 yilda 7 million kishiga etdi. Burjuaziya esa Germaniyani fashistlashtira boshladi. Nemis monopoliyalari gitlerchilarni moliyaviy jihatdan tobora ko‘proq qo‘llab-quvvatladilar.
1930 yil 1 aprelda prezident Gindenburg Myuller o‘rniga reyxs­kann­sler qilib katolik “Markaz” partiyasining etkchisi Genrix Bryuningni tayinladi. Yangi hukumat favqulodda dekretlar chiqardi. Mehnatkash­larning moddiy turmush darajasini yanada pasaytirib yubordi. Amerika mono­po­listlari fashistlar partiyasini qo‘llab-quvvatladilar. 1929-1931 yillarda ular Gitlerga 25 million dollar berdilar. Mamlakatda fashistlar va millitaristlar faollashdi, terror siyosati kuchaydi.
1932 yilda prezidentlikka Gitler nomzodi ko‘rsatildi. Ammo sayloda 83 yoshdagi Gindenburg g‘olib chiqdi. Shunga qaramay Gitler va fashist­lar­ning mamlakat ichidagi mavqeyi yanada oshdi. 1932 yil 30 mayda Bryuning vazifasidan chetlashtirildi va uning o‘rniga Frans fon Papen (1879-1969) tayinlandi.
Fon Papen gitlerchilar bilan aloqada edi. Gindenburgning qayta saylanishi va Fon Papen (1932 yil dekabrida esa general Shleyxer) hukumatining tuzilishi fashistlar uchun tag‘in ham qulay sharoit yaratdi. Mamlakat yanada fashistlashib bordi.
Gitlerning o‘z homiylari bilan birinchi uchrashuvi 1932 yil 27 yanvarda bo‘lib o‘tdi. “Po‘lat tresti”ning direktori Tissen uni Germaniya sanoatchilariga tanishtirdi. Gitlerning 4 soatga cho‘zilgan nutqi shunday iboralardan tuzilgan edi: “Demokratiya - axmoqlar ishi”, “Biz Germaniyada marksizmning ildizini quritishga qaror qildik”, “Oq irq Yer kurrasida yashovchi boshqa barcha xalqlarni o‘ziga bo‘ysundirishi lozim”. Stinnesning “Buning uchun nima kerak?”- degan savoliga, Gitler qisqa qilib: “8 mln. kishilik armiya”, deb javob berdi.
1933 yil 4 yanvarda Gitler Germaniyaning yirik va yetakchi sanoatchi va sarmoyadorlari ishtirokida majlis o‘tkazdi, unda Gitler kansler bo‘lishi kerak, degan qarorga kelindi. 1933 yil 30 yanvarda prezident Gindenburg fashistlar partiyasining boshlig‘i Gitlerni reyxskansler qilib tayin­ladi. Fon Papen vitsekansler lavozimini egalladi. Shunday qilib, Germa­niya­da oshkora fashistik diktatura-moliya kapitalining eng reaksion, eng shovinistik va eng imperialistik elementlarining terroristik diktatu­rasi o‘rnatildi. Shu bilan birga, 1933 yil iyul oyida Germaniyadashturmchilar nazorati ostida umumxalq plebissiti o‘tkazilib, unda 36 mln. aholi Gitler siyosatini qo‘llab-quvvatlashlarini bildirdi. Bu Gitlerni ruhlantirdi va o‘z siyosatining amalga oshishiga to‘liq ishonch bag‘ishladi.