1. Мавзу билан боғлиқ атама, ибора ва калит сўзлар

ОЛИЙ ТАЪЛИМ МУАССАСАЛАРИНИ КРЕДИТ-МОДУЛЬ ТИЗИМИГА ЎТКАЗИШ – МАМЛАКАТ ИҚТИСОДИЙ-ИЖТИМОИЙ РИВОЖЛАНИШИ ОМИЛЛАРИДАН БИРИ СИФАТИДА
23 феврал 2021, 16:59 E'lonlar

Дунё таълим маконига олий таълим тизимининг интеграция жараёнини киритиш мақсадида 1997 йилда таълим тизимининг Лиссабон конвенцияси ва 1999 йилда Болонья декларацияси қабул қилинди. Болонья декларациясининг асосий мақсади Олий таълимда Европа кредит тизими (ECTS- Europen Credit Transfer system) синов бирлигини қўллаш ҳамда бу таълимнинг чет элларда тан олинишига эришиш эди. Ўзбекистон Республикасида олий таълимни тизимли ислоҳ қилишнинг устувор йўналишларини белгилашда Президент Шавкат Мирзиёевнинг Ўзбекистон Республикаси Олий таълим тизимини 2030 йилгача ривожлантириш концепциясини тасдиқлаш тўғрисида қабул қилинган 2019 йил 8 октябрдаги ПФ-5847-сонли фармони соҳанинг иқтисодий мустақиллиги ва самарадорлигига алоҳида эътибор қаратди. Жумладан, олий таълим муассасаларини кредит-модуль тизимига ўтказиш, халқаро андозаларга мос равишда рақобатбардош мутахассислар тайёрлаш мамлакат иқтисодий-ижтимоий ривожланиши омилларидан бири сифатида белгиланди.
1.Мавзу билан боғлиқ атама, ибора ва калит сўзлар.
Ренессанс – (французча – renaissance, итальянча – rinaseimento, “ri”) – “қайта ёки қайта туғилмоқ” маъносида келади. Ренессанс– Европа маданияти тарихидаги, Ўрта асрлар маданияти ўрнига келган янги давр. У тахминан XIV аср бошларидан XVI аср охирлари ва XVII асрнинг дастлабки ўн йилликларини ўз ичига олади.
Болонья декларацияси – Ушбу тизимни яратиш учун ўтган асрнинг 70-йилларидан Европадаги барча олий таълим муассасаларининг интеграциясини таъминлаш, олий таълимнинг ягона стандартини яратиш, талабалар ва ўқитувчилар мобиллигини йўлга қўйиш, дипломларни тан олиш, талабалар билими, малакаси ҳамда кўникмасига қўйиладиган балларни унификация қилиш билан боғлиқ бир қатор муаммоларни ечишга қаратилган саъй-ҳаракатлар самараси ўлароқ, 1999 йилда Италиянинг Болонья шаҳрида 29 та мамлакат вакиллари томонидан Болонья декларацияси имзоланади.Бугунги кунда 48 та мамлакат иштирок этади.