1. Мавзу билан боғлиқ атама, ибора ва калит сўзлар

4.Олий таълим тизимини кредит-модуль тизимига ўтказиш ўқув жараёнлари ва ўқитувчи меҳнатини тўғри баҳолаш, сариф ҳаражатларни оптималлаштириш ва коррупцияга қарши кураш омили .
ECTS кредит-модуль тизимида 1 кредит ўртача 25-30 академик соатлик ўқиш юкламасига тенг. Яъни талаба муайян фандан тегишли кредитларни қўлга киритиши учун маълум миқдордаги ўқиш юкламасини (“learning workloads”) бажариши зарур. Ўқиш юкламаси бу талаба муайян ўқиш натижаларига эришишга қаратилган барча тизимли ўқиш машқлари ва ҳаракатларини бажариш учун керак бўладиган вақтдир.
Кредит-модуль тизимининг асосий вазифалари сифатида қуйидагилар эътироф этилади:
— ўқув жараёнларини модуль асосида ташкил қилиш;
— битта фан, курс (кредит)нинг ­қийматини аниқлаш;
— талабалар билимини рейтинг бали асосида баҳолаш;
— талабаларга ўзларининг ўқув режаларини индивидуал тарзда тузишларига имкон яратиш;
— таълим жараёнида мустақил таълим олишнинг улушини ошириш;
— таълим дастурларининг қулайлиги ва меҳнат бозорида мутахассисга қўйилган талабдан келиб чиқиб ўзгартириш мумкинлиги.
Тасаввур қилинг, кредит-модуль тизими машғулотларини ташкил этишда, ўқув қуроллари ва бошқа воситалардан фойдаланишда тежамкорликка эришиш имкониятлари туғиляпти. Биз буни Москва психологик педагогика университети тажрибасидан ҳам кўришимиз мумкин.Талабаларнинг ўқиши, билими, мустақил ҳаракатлари, зарурий билимларни танлаши, назария ва амалиёт масалаларини кредит тизими билан ўлчар, баҳолар эканмиз, ўз ўзидан ўқитувчи-профессорларнинг меҳнатини, аниқроқ айтсак, унларга ҳақ тўлаш масаласини ҳам кредитлар қиймати билан ўлчашимизга тўғри келади. Тўла амалдаги машғулотнинг максимал меъёри 900 соат қилиб белгиланган. Биз буни (РФ Олий таълим вазирлиги белгилаган) 36 соатни бир кредит билан ўлчаймиз. Умумий машғулотларни 25 кредит бирлиги билан ҳисобласак, йиллик меъёр ўқитувчиларга қуйидагича белгиланади:
- 25 кредит – ўқитувчи лавозими учун;
- 22 кредит – катта ўқитувчи лавозими учун;
- 19 кредит – доцент лавозими учун;
- 14 кредит –профессор учун[5].
Ўзингизга маълум, 2018 йилда Самарқанд шаҳрида мамлакатнинг сайёҳлик салоҳиятини ошириш вазифаси қўйилган “Ипак йўли” туризм халқаро университети очилди. Бу университет айни дамда таълим тўлиқ инглиз тилида амалга ошириладиган илк олийгоҳ ҳисобланади.Жанубий Корея таълим системасида ишлаб, тажриба оширган Азамат Акбаров туризм университетининг проректори вазифасида ишлайди.“Ортиқча фанлар коррупцияни келтириб чиқаради” -дейди олим.