1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

Кислота, асос ва тузларнинг диссоциланиши.

Суюқланмаларида ёки сувдаги эритмаларида водород катонларига ва кислота қолдиғи анионларига ажраладиган мураккаб моддалар кислоталар дейилади. Кислоталар босқичма-босқич диссоциланади.

I) HCl = H+ + Cl– I) HNO3 = NO3– + H+

I) H2SO4 = HSO4– + H+ II) HSO4– = SO42– + H+

I) H3PO4 = H2PO4– + H+ II) H2PO4– = HPO42– + H+ III) HPO42– = PO43– + H+

Суюқланмаларида ёки сувдаги эритмаларида металл катонларига ва гидроксид анионларига ажраладиган мураккаб моддалар асослар дейилади. Асослар босқичма-босқич диссоциланади.

I) NaOH = Na+ + OH– I) CsOH = Cs+ + OH–

I) Ca(OH)2 = CaOH+ + OH– II) CaOH+ = Ca+2 + OH–

I) Al(OH)3 = Al(OH)2+ + OH– II) Al(OH)2+ = AlOH2+ + OH– III) Al(OH)2+ = Al+3 + OH–

Суюқланмаларида ёки сувдаги эритмаларида металл катонларига ва кислота қолдиғи анионларига ажраладиган мураккаб моддалар тузлар дейилади. Тузлар бир босқичда диссоциланади.

NaBr = Na+ + Br– Ba(NO3)2 = Ba+2 + 2NO3–

Al2(SO4)3 = 2Al+3 + 3SO42– NH4Cl = NH4+ + Cl–

CuSO3 = Cu+2 + SO32–

Диссоциланиш механизми

Электролитлар сув молекулалари таъсирида ионларга ажралади. Сув диполлари электролитни манфий ва мусбат ионларга ажратиб, ионларни ўраб олади.

Кислоталар молекуласидан эритмада ёки суюқланмада ажралган водород катионлари сони кислотанинг асослиги дейилади. Масалан:

Бир асосли кислота	HNO3 = NO3– + H+ H3PO2 = H2PO2^- + H^+	Икки асосли кислота	H2SO4 = SO4– + 2H+ Н3РО3 = HPO3^2- + 2H^+
Уч асосли кислота	H3PO4 = PO4– + 3H+	Тўрт асосли кислота	Н4Р2О7 = Р2О7^4- + 4H^+

Асосларнинг кислоталиги эритмада ёки суюқланмада ажралган гидроксид анионлари сони асосларнинг кислоталиги дейилади. Масалан:

Бир кислотали асос	NaOH = Na+ + OH–	Икки кислотали асос	Ca(OH)2 = Ca+2 + 2OH–
Уч кислотали асос	Al(OH)3 = Al+3 + 3OH–

Шароитга қараб ҳам водород катионлари, ҳам гидроксид анионлари ҳосил қиладиган мураккаб моддалар амфотер электролитлар (амфолитлар) дейилади. Масалан: сув – H₂O = H⁺ + OH^–, амфотер асослар (Be(OH)₂ Zn(OH)₂ Al(OH)₃ Fe(OH)₃ Mn(OH)₃ MnO(OH)₂ Cr(OH)₃) ҳам амфолитларга киради.