1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

1 – Дарс

1. Машқда қийналсанг жангда осон бўлади. 2. Илм олиш ҳар бир муслим ва муслима учун фарздир. (Ҳадис) 3. Илмни фурсат бўлганда ўрганавериш керак. Чунки илм зарур бўлган пайтда фурсат топилмайди. 4. Кимки интилмаса, у ҳеч нарсага эришмайди, кимки шижоат кўрсатмаса, у ҳеч нарсалик бўлмайди, кимки ўзининг маънавий қувватидан фойдаланмаса, бу қувват уни тарк этади. (Тохир Малик) 5. Ётиб қолгунча ўқиб-ўрганиб қол. 6. Гапинг ҳақ бўлсин, лекин ҳар ҳақни гапиришга сенинг ҳаққинг йўқ. 7. Ишингизни вақтида қилмасангиз бошқаларга зарари тегиши мумкин. 8. Қурол ҳозирлашни унутган аскар асир тушади. 9. Сабр – энг гўзал ахлоқ, илм эса шарафли безакдир ... 10. Кимса йўқ ҳеч кимсасиз, ҳар кимсанинг бор кимсаси, кимса йўқ кимсаларнинг кимсасизлик кимсаси. (Озарбайжон халқ ижоди). 11. Илм ўрганишнинг энг хайрлиси – ўргатиш учун ўрганиш.

I Лекция.
Кимё – физика ва биология билан бирга табиатни ўрганувчи учта фандан бири. Бу фанлар ўрганиш сохасининг характери ва масштаби билан фарқ қилади. Табиатдаги жараёнларни тўртта масштабга (даражага) бўлиш мумкин: 1) Астрономик; 2) Макроскопик (инсоният ва уни ўраб олган мухит); 3) Микроскопик (атом ва молекула даражаси); 4) Ультрамикроскопик (элементар заррачалар тузилиши даражаси). Физика – юқоридаги барча даражалардаги ўзгаришлар ва ҳодисаларни ўрганади. Биология – тирик табиатдаги макроскопик жараёнларни ўрганади. Кимё – моддаларни макроскопик даражада ўзгаришларини атом-молекуляр даражада таҳлил қилиб ўрганади.
Кимё – моддалар, уларнинг таркиби, тузилиши, хоссалари ва улар орасида борадиган ўзгаришларни ўрганадиган фан.
Жисм – аниқ шаклга эга бўлган барча нарсалар бўлиб, моддалар ясалади. Масалан: Пластмасса моддасидан – ручка, телевизор, радио, компюьтер ва ҳ.к., алюминий моддасидан – қошиқ, самолёт корпуси, уй-рўзғор буюмлари ва ҳ.к. жисмлар ясалади.
Модда – хоссага эга бўлган барча нарсалар. Моддалар асосан молекулалардан ва бошқа (атом, ион ...) заррачалардан ташкил топган. Ҳозирги кунда 18 млн.дан ортиқ модда ўрганилган. Масалан: Сув, нефт, олтин, темир, ҳаво.