1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

Диссоциланиш даражаси

Эритмаларда диссоциланиш билан бирга ассоциланиш ҳам содир бўлиши сабабли молекулалар кам бўлади.

Диссоциланиш даражаси диссоциланган (ионларга ажралган) молекулалар сони умумий эриган молекулалар сонига нисбати билан топилади. У грекча α ҳарфи билан белгиланади.

Бу ерда, α – диссоциланиш даражаси, n – диссоциланган (ионларга ажралган) молекулалар сони, N – умумий эриган молекулалар сони. Масалан: α = 1 ёки α = 100% бўлса, эриган молекулаларнинг барчаси диссоциланган бўлади. Агар α = 0,2 ёки α = 20% бўлса, эриган молекулаларнинг ҳар 100 тасидан 20 таси диссоциланган, 80 таси диссоциланмаган бўлади.
Диссоциланиш даражаси температурага тўғри, концентрацияга тескари пропорционал, яъни температура ортганда диссоциланиш даражаси ҳам ортади, концентрация ортганда эса диссоциланиш даражаси камаяди. Чунки диссоциланиш сув ёрдамида бўлади, концентрация ортганда сув молекулалари эриган модда молекулаларига нисбатан камаяди.


Диссоциланиш константаси

Кучли ва кучсиз электролитлар

Ионларга тўлиқ ажраладиган (диссоциланадиган) моддалар кучли электролитлар дейилади. Масалан: а) деярли барча тузлар, б) кучли кислоталар: HClO₄ – Перхлорат кислота, H₂SO₄ – Сульфат кислота, H₂S₂O₇ – Дисульфат кислота, HNO₃ – Нитрат кислота, HI – Йодид кислота, HBr – Бромид кислота, HCl – Хлорид кислота, HMnO₄ – Перманганат кислота, HIO₄ (H₅IO₆) – Перйодат кислота, H₂CrO₄ – Хромат кислота, H₂Cr₂O₇ – Дихромат кислота, HClO₃ – Хлорат кислота, HBrO₃ – Бромат кислота, HIO₃ – Йодат кислота, H₂MnO₄ – Манганат кислота ва ҳ.к. в) кучли асослар: LiOH –литий гидроксид, NaOH, KOH, RbOH, CsOH, FrOH, Ca(OH)₂, Sr(OH)₂, Ba(OH)₂, Ra(OH)₂ ва ҳ.к.

Ионларга қисман ажраладиган (диссоциланадиган) моддалар кучсиз электролитлар дейилади. Масалан: а) кучсиз кислоталар: қолган барча кислоталар, б) кучсиз асослар: қолган барча асослар, в) аммоний гидроксид, г) сув ҳам кучсиз электролит ва ҳ.к. Кучсиз электролитлар эритмаларда ионларнинг катта концентрациясини ҳосил қилмайди.