1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

Боғ	Боғ узунлиги (x10^-10) m	Боғ	Боғ узунлиги (x10^-10) m	Боғ
Боғ узунлиги (x10^-10) m
H – H	0,74	I – I	2,67	C – S	1,82
С – С	1,54	H – S	1,33	N – H	1,01
С = С	1,33	H – O	0,96	H – F	0,92
С  С	1,20	C – H	1,09	H – Cl	1,27
N  N	1,09	C – F	1,40	H – Br	1,41
O – O	1,21	C – Cl	1,77	H – I	1,61
F – F	1,42	C – Br	1,91	N – O	1,37
S – S	1,92	C – I	2,12	N = O	1,22
Cl – Cl	1,99	C – O	1,43	S – O	1,43
Br – Br	2,28	C = O	1,21

Боғ энергияси – кимёвий боғни узиш учун сарфланадиган энергия боғ энергияси дейилади. Боғ энергияси кЖ/моль ёки ккал/мольда ўлчанади. Боғ энергияси боғ узунлигига, табиатига ва боғланиш турига боғлиқ. Масалан: Водород атоми олтинчи группа бош гуруҳча элементлари билан ҳосил қилган бирикмаларида юқоридан пастга тушган сари боғ узунлиги ортиб, боғ энергияси камайиб боради: Н – О = 460,5 кЖ/моль, Н – S = 229,4 кЖ/моль, Н – Se = 174,8 кЖ/моль, Н – Te = 140,5 кЖ/моль.
Айрим моддаларнинг боғ энергиялари T = 298 K

Боғ	Боғ энергияси (кЖ/мол)	Боғ	Боғ энергияси (кЖ/мол)	Боғ	Боғ энергияси (кЖ/мол)
	– 347,3	C = C	– 587,8		– 345,2
	– 376,1	O – H	– 463,0		– 294,6
	– 411,3	N – N	– 175,7		– 415,9
	– 407,9	N – H	– 385,0		– 443,1
	– 404,2	C  C	– 823,1	C = O (алдегид)	– 705,8
	– 410,0	C  N	– 816,7	C = O (диоксид)	– 799,1
	– 423,4	C6H5 –	– 5089,0		– 358,6
	– 420,5	C6H4 =	– 4663,1		– 477,4
	– 389,5		– 383,7		– 446,4
	– 433,5		– 392,9		– 458,8
	– 454,4		– 301,7		– 297,1

H*_bir – бирламчи водород атоми; H*_ikkii – иккиламчи водород атоми; H*_uch – учламчи водород атоми.


Боғ тартиби – ўзаро боғ ҳосил қилган атомлар орасидаги боғланишлар сони боғ тартиби дейилади. Бирламчи, иккиламчи (қўш боғ), учламчи (учбоғ), баъзан тўртламчи боғланишлар бўлади. Атомлар орасида боғ қанча кўп бўлса, боғ узунлиги қисқариб, боғ энергияси ортади, яъни боғ барқарорлиги ортади.
Боғ тўйинувчанлиги – атомларнинг аниқ сондаги ковалент боғланишлар ҳосил қилиши. Масалан Олтингугурт кўпи билан олтита ковалент боғ ҳосил қилади. SF₆, SO₃, SCl₆, SO₂Cl₂ ва ҳ.к.
Боғ йўналувчанлиги – ковалент боғланиш фазода декарт координаталар системаси ўқлари йўналишида ҳосил бўлади. х у z – ўқлари бўйича ковалент боғлар ҳосил бўлади.
Валент бурчак – молекуладаги кимёвий боғлар орасидаги бурчак валент бурчак дейилади. Масалан: сув молекуласида валент бурчак 104,5⁰, аммиак молекуласида валент бурчак 107,5⁰, метан молекуласида валент бурчак 109,5⁰ ва ҳ.к.


АТОМ ОРБИТАЛЛАРНИНГ ГИБРИДЛАНИШИ

Атомлардаги электрон поғоналарнинг охиргиси (ташқи қават) электронлари орбиталари ўзаро қўшилиб, ҳар хил кўринишдаги янгича электрон орбитал ҳосил қилади. Кўриниши ва энергияси ҳар хил бўлган s p d f атом орбиталлари ўзаро қўшилиб sp, sp², sp³, sp³d, sp³d², sp³d³ каби гибрид орбиталларни ҳосил қилиши мумкин.

Кўриниши ва энергияси ҳар хил бўлган атом орбиталларнинг ўзаро қўшилиб, кўриниши ва энергияси бир хил бўлган янги электрон орбиталларнинг ҳосил бўлиши атом орбиталларнинг гибридланиши дейилади.


AB_n молекулалар фозовий тузилиши ва A марказий атом валент σ – электрон жуфтлар ҳолати

A атом валент σ – электрон жуфтлар сони				Молекула тури		Молекуланинг фазовий тузилиши			A атом орбиталларининг гибридланиш тури		Мисол
Ум-й	Боғл-чи	Боғ-ма
2	2	0	AB2		Чизиқли		B – A – B	sp		BeCl2, HgCl2
3	3 2	0 1	AB3 AB2E		Учбурчак Бурчакли		B │ A B B ¨ A B B	sp^2		BCl3, COCl2 SO3, SnCl2, NOCl, SO2
4 4	4 3 2	0 1 2	AB4 AB3E AB2E2		Тетраэдрик Тригонал-пирамидал Бурчакли		B │ A B B B  │ A B B B  │ A B ^: B	sp^3		CH4, SiH4 BeF4^2- BH4^- SO4^2- PF3 H3O^+ SO3^2- H2O F2O H2O2 SCl2
5	5	0	AB5		Тригонал-бипирамидал		B B │ A ––– B B │ B	sp^3d		PCl5
	4 3 2	1 2 3	AB4E AB2E2 AB2E3		Бурилган тетраэдрик T – симон Чизиқли		B : │ A ––– B B │ B B : │ A ––– B : │ B B : │ A –––: : │ B			SF4 BrCl3 XeF2
6	6	0	AB6		Октаэдрик		B B │ B A B │ B B	sp^3d^2		SF6
	5	1	AB5E		Квадрат-пирамидал		B B │ B A B │ B ¨	sp^3d^2		IF5
	4	2	AB4E2		Квадрат		¨ B │ B A B │ B ¨	sp^3d^2		ICl4^-

II) Ион боғланиш – қарама-қарши зарядланган ионларнинг электростатик тортиши кучлари натижасида ҳосил бўлган боғланишга ион боғланиш дейилади. Ион боғланиш асосан типик металлар билан типик металмаслар орасида ҳосил бўлади. Типик металлар – биринчи ва иккинчи бош группача металлари (Li, Na, K, Rb, Cs, Fr, Be, Mg, Ca, Sr, Ba, Ra), типик металмаслар – олтинчи ва еттинчи бош группача металмаслари (F, Cl, Br, I, O, S, Se, Te). Дейярли барча тузлар ион боғланиш натижасида ҳосил бўлган. Типик металларнинг гидридлари, оксидлари ва гидроксидлари ҳам ион боғлар ёрдамида ҳосил бўлган. Ион боғланиш йўналувчанлик ва тўйинувчанликка эга эмас. Ионлар шар симон тузилишга эга бўлиб, уларда заряд бир хил тарқалади, шунинг учун иккита ион ўзаро тортилиши учун фазода аниқ бир йўналишда бўлиши шарт эмас ва шунинг учун боғланиш йўналишга эга бўлмайди. Шарсимон кўринишдаги ионлар чекланмаган сондаги қарама-қарши зарядли ион билан тортилиши мумкин, бу тўйинувчанлик хоссаси йўқлигидан далолат беради.


III) Метал боғланиш – металл ионлари ва умумий электрон булути ҳисобидан ҳосил бўлади. Асосан металлар ва қотишмаларда металл боғланиш кузатилади. Металларнинг барча хоссалари металл боғланиш ва металлнинг атом тузилишига боғлиқ.

Кимёвий боғланишнинг ўзига хос тури водород боғланиш.

Электроманфийлиги катта бўлган атомларнинг (F, O, N, Cl, Br, S, I) водород билан бирикмасида водород қисман мусбатлашади ва қўшни манфий атом билан ўзаро боғ ҳосил қилади, бу водород боғланиш дейилади. Водород боғланиш энг кучсиз боғланишдир, лекин у Ван-дер-Вальс кучларидан барқарорроқ.

Водород боғланиш 1) Молекулалараро – иккита молекула орасида ғосил бўлади, 2) Ички молекуляр – битта молекуладаги иккита функционал гуруҳ орасида ҳосил бўлади.
Кристалл панжаралар

Қаттиқ моддалар икки хил ҳолатга эга. 1) Аморф ҳолат – қаттиқ модда майдаланганда дастлабки шаклини йўқотади ва бўлаклар қирралари қавариқ ёки ботиқ (ўткир) бўлади шу билан заррачалар бетартиб бўлиб, аниқ фазовий шаклга эга эмас. Масалан: крахмал, шиша, синтетик полимерлар, тупроқ ва ҳ.к. 2) Кристалл ҳолат – қаттиқ модда майдаланганда дастлабки шаклини сақлаб қолади ва қирралари текис бўлади шу билан бирга заррачалар тартибли бўлиб, фазода аниқ бир панжарага эга бўлади, бу эса кристалл панжара дейилади ва моддага аниқ шакл беради. Масалан: тузлар, оксидлар, бинар моддалар, паст массали органик моддалар ва ҳ.к.

Кристалл моддалар фазода кристалл панжара ҳосил қилади. Кристалл панжаралар тугунлардаги заррачаларнинг тури ва табиатига қараб 4 хил бўлади.
1) Молекуляр кристалл панжара – кристалл панжара тугунларида молекулалар ётади. Масалан: Муз, қуруқ муз (СО₂), водород, кислород, аммиак, хлор, бром, йод, кўпчилик газ моддалар, дейярли барча органик моддалар ва ҳ.к. Бундай моддалар паст ҳароратда суюқланади, иссиқлик ва электр токини ўтказмайди, юмшоқ бўлади, сувда ёмон эрийди, органик эритувчиларда яхши эрийди.
2) Атом кристалл панжара – кристалл панжара тугунларида атомлар ётади. Масалан: бор, углерод, кремний, фосфор, олтингугурт, селен, теллур, мишьяк, германий, кремний (IV) оксиди, титан оксидлари ва инерт газлар ва ҳ.к. Бундай моддалар жуда қаттиқ, қийин суюқланувчан бўлади, юқори ҳароратда суюқланади, иссиқликни ва электр токини дейярли ўтказмайди, сувда ва органик эритувчиларда эримайди.
3) Ион кристалл панжара – кристалл панжара тугунларида ионлар ётади. Масалан: тузлар, типик металларнинг гидридлари, оксидлари, гидроксидлари ва ҳ.к. Бундай моддалар қаттиқ, қийин суюқланувчан бўлади, юқори ҳароратда суюқланади, иссиқликни ва электр токини қаттиқ ҳолатда ўтказмайди, суюқ ҳолатда эса ўтказади, сувда яхши эрийди, органик эритувчиларда ёмон эрийди.
4) Металл кристалл панжара – кристалл панжара тугунларида металл катионлари ётади. Масалан: барча металлар, уларнинг қотишмалари ва ҳ.к. Бундай моддалар ўта қаттиқ, қийин суюқланувчан бўлади, жуда юқори ҳароратда суюқланади, иссиқликни ва электр токини ўтказади, сувда ва бошқа эритувчиларда эримайди.

Молекуляр ва номолекуляр тузилишли моддалар

Моддалар ҳосил бўлган заррачалари турига қараб молекуляр ва номолекуляр тузилишли моддаларга ажралади.
Молекуляр тузилишли моддалар – молекулалардан ҳосил бўлган моддалар (молекуляр кристалл панжарали моддалар). Масалан: Сув, қуруқ муз (СО₂), водород, кислород, аммиак, хлор, бром, йод, кўпчилик газ моддалар, дейярли барча органик моддалар ва ҳ.к.
Номолекуляр тузилишли моддалар – молекулалардан эмас бошқа зарралар (атом, ион, металл катионлари)дан ҳосил бўлган моддалар (атом, ион, металл кристалл панжарали моддалар). Масалан: бор, углерод, кремний, фосфор, олтингугурт, селен, теллур, мишьяк, германий, кремний (IV) оксиди, титан оксидлари ва инерт газлар, тузлар, типик металларнинг гидридлари, оксидлари, гидроксидлари, барча металлар, уларнинг қотишмалари ва ҳ.к.

9 – Дарс