1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

Бир асосли кислоталар – молекуласида битта водород атоми сақлаган кислоталар. Масалан: HOCN – Цианат кислота, HMnO₄ – Перманганат кислота, HIO₃ – Йодат кислота, HBrO₄ – Пербромат кислота, HBrO₂ – Бромит кислота, HBr – Бромид кислота, HI – Йодид кислота, HCl – Хлорид кислота, H₃PO₂ – Гипофосфат кислота, HCOOH – Метан (Чумоли) кислота, CH₃COOH – Этан (Сирка ёки ацетат) кислота ва ҳ.з.
Икки асосли кислоталар – молекуласида иккита водород атоми сақлаган кислоталар. Масалан: H₂FeO₄ – Феррат кислота, H₂UO₃ – Уранит кислота, H₂MnO₄ – Манганат кислота ва ҳ.з.
Уч асосли кислоталар – молекуласида учта водород атоми сақлаган кислоталар. Масалан: H₃VO₄ – Ванадат кислота, H₃AsO₄ – Арсенат кислота, H₃PO₄ – Ортофосфат кислота, H₃AlO₃ – Алюминат кислота ва ҳ.з.
Тўрт асосли кислоталар – молекуласида тўртта водород атоми сақлаган кислоталар. Масалан: H₄P₂O₇ – Дифосфат (Бифосфат) кислота, H₄SiO₄ – Ортосиликат кислота, H₄MnO₄ – Ортоманганит кислота, H₄PbO₄ – Ортоплюмбат кислота ва ҳ.з.
Беш асосли кислоталар – молекуласида бешта водород атоми сақлаган кислоталар. Масалан: H₅IO₆ – Перйодат кислота ва ҳ.з.


Кислоталарнинг номланиши
Кислоталар 1979 йилда ИЮПАК қабул қилган номенклатурага асосан номланади.
1. Кислородсиз кислоталар кислота ҳосил қилган элемент номига “ид” қўшимчаси қўшиб номланади: HF – фторид, HCl – хлорид, HBr – бромид, H₂S – сульфид, HCN – цианид, HN₃ – азид, H₂Se – селенид, H₂Te – теллурид, HCNS – родонид ва ҳ.з.
2. Кислородли кислоталар кислота ҳосил қилувчи элементнинг оксидланиш даражасига (валентлигига) асосланиб номланади:
а) Энг паст оксидланиш даражасида бўлса “гипо” олд қўшимчаси қўшилади: HClO – гипохлорит, HBrO – гипобромит, HIO – гипойодит ва ҳ.з.,
б) Ўртача оксидланиш даражасида бўлса “ит” қўшимчаси қўшиб номланади: HNO₂ – нитрит, H₃PO₃ – фосфит, H₃AsO₃ – арсенит, H₂SO₃ – сульфит, H₂SeO₃ – селенит, HClO₂ – хлорит, HBrO₂ – бромит ва ҳ.з.,
в) Юқори оксидланиш даражасида бўлса “ат” қўшимчаси қўшиб номланади: HNO₃ – нитрат, H₃PO₄ – фосфат, H₃AsO₄ – арсенат, H₂SO₄ – сульфат, H₂SeO₄ – селенат, HClO₃ – хлорат, HBrO₃ – бромат ва ҳ.з.,
г) Бир элемент бир хил оксидланиш даражасида турли кислоталар ҳосил қилса, водород атомлари камига “мета”, кўпига “орто” олд қўшимчаси қўшиб номланади: HBO₂ – метаборат, H₃BO₃ – ортоборат, H₂SiO₃ – метасиликат, H₄SiO₄ – ортосиликат, HPO₃ – метафосфат, H₃PO₄ – ортофосфат ва ҳ.з.,
д) Кислота ҳосил қилувчи элемент жуда юқори оксидланиш даражасида бўлса “пер” олд қўшимчаси қўшилади: HClO₄ – Перхлорат кислота, HBrO₄ – пербромат кислота, HIO₄ (H₅IO₆) – перйодат кислота, HMnO₄ – перманганат кислота ва ҳ.з.
е) Икки молекула бир хил кислота бирикиб, бир молекула сув чиқиб кетишидан ҳосил бўлса, бундай кислоталар “пиро” олд қўшимчаси қўшиб номланади: H₄P₂O₇ - пирофосфат (Бифосфат) кислота, H₂S₂O₅ - пиросульфит кислота, H₂S₂O₇ – пиросульфат кислота ва ҳ.з.