1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

Тузларнинг синфланиши (классификацияси)
Тузлар таркибига кўра беш хил бўлади:
1) Ўрта (Нормал) тузлар – металл атоми ва кислота қолдиғидан иборат мураккаб моддалар. Масалан: NaCl, CaSO₄, Cu(NO₃)₂, Al₂(CO₃)₃, Fe₃(PO₄)₂, MnCl₃, TiCl₄ ва ҳ.к. Ўрта тузларни номлаш: металл номи (металл ўзгарувчан валентли бўлса рим рақамда қавс ичида валентлик кўрсатилади)га кислота қолдиғи номи қўшиб айтилади. Масалан: NaCl – натрий хлорид, CaSO₄ – кальций сульфат, Cu(NO₃)₂ – мис (II) нитрат, Al₂(CO₃)₃ – алюминий карбонат, Fe₃(PO₄)₂ – темир (II) фосфат, MnCl₃ – марганец (III) хлорид, TiCl₄ – титан (IV) хлорид ва ҳ.к.
2) Нордон тузлар – кислота молекуласидаги водород атомлари металл билан қисман алмашинганда ҳосил бўлиб, металл атоми, водород ва кислота қолдиғидан иборат бўлади. Масалан: Ca(HCO₃)₂, NaHCO₃, Cu(HSO₄)₂, Fe(H₂PO₄)₂, KHS, Li₂HPO₄, Ba(HSO₃)₂, Ca(H₂PO₄)₂ ва ҳ.к. Нордон тузларни номлаш: металл номи (металл ўзгарувчан валентли бўлса рим рақамда қавс ичида валентлик кўрсатилади)га молекулада битта водород бўлса “гидро” сўзи, иккита водород бўлса “дигидро” сўзи ва кислота қолдиғи номи қўшиб айтилади. Масалан: Ca(HCO₃)₂ – кальций гидрокарбонат, NaHCO₃ – натрий гидрокарбонат, Cu(HSO₄)₂ – мис (II) гидросульфат, Fe(H₂PO₄)₂ – темир (II) дигидрофосфат, KHS – калий гидросульфид, Li₂HPO₄ – литийгидрофосфат, Ba(HSO₃)₂ – барий гидросульфит, Ca(H₂PO₄)₂ – кальций дигидрофосфат ва ҳ.к.
3) Асосли тузлар – таркибида металл атоми, гидроксид гуруҳи ва кислота қолдиғи сақлаган мураккаб моддалар. Масалан: (CuOH)₂CO₃, Mg(OH)NO₃, Al(OH)₂Br, Cr(OH)₂NO₃, Mn(OH)Cl, [Fe(OH)₂]₂SO₄, Cr(OH)(CH₃COO)₂, Al(OH)SO₃ ва ҳ.к. Асосли тузларни номлаш: металл номи (металл ўзгарувчан валентли бўлса рим рақамда қавс ичида валентлик кўрсатилади)га молекулада битта гидроксид гуруҳи бўлса “гидркоси” сўзи, иккита гидроксид гуруҳи бўлса “дигидрокси” сўзи ва кислота қолдиғи номи қўшиб айтилади. Масалан: (CuOH)₂CO₃ – мис (II) гидрокси карбонат, Mg(OH)NO₃ – магний гидрокси нитрат, Al(OH)₂Br алюминий дигидроксибромид, Cr(OH)₂NO₃ – хром (III) дигидроксинитрат, Mn(OH)Cl – марганец (II) гидроксихлорид, [Fe(OH)₂]₂SO₄ – темир (III) дигидроксисульфат, Cr(OH)(CH₃COO)₂ – хром (III) гидроксиацетат, Al(OH)SO₃ – алюминий гидроксисульфит ва ҳ.к.